2 Eachdraidh 20:10

Am Bìoball Gàidhlig 1992

Agus a‑nis, feuch, clann Amoin, agus Mhòaib, agus sliabh Sheir; cha do leig thu le Israel dol tron crìochan, nuair a thàinig iad à tìr na h‑Eiphit, ach thionndaidh iad uapa, agus cha do sgrios iad iad;

Iomraidhean Croise

2 Eachdraidh 20:1

Agus an dèidh nan nithean seo thàinig clann Mhòaib, agus clann Amoin, agus maille riu cuid de na h‑Edomaich, an aghaidh Iehosaphait gu cath.

2 Eachdraidh 20:22

Agus nuair a thòisich iad air seinn agus air moladh, chuir an Tighearna luchd feall-fhalaich an aghaidh chloinn Amoin, agus Mhòaib, agus sliabh Sheir, a thàinig an aghaidh Iùdah; agus bhuaileadh iad:

Salm 83:6

Pàilleanan Edoim agus na h‑Ismaelich, Mòab agus na Hàgaraich,

Salm 83:7

Gebal agus Amon agus Amalec, na Philistich maille ri luchd-àiteachaidh Thìruis;

Amos 1:11

Mar seo tha an Tighearna ag ràdh, Airson trì lochdan Edoim, agus airson ceithir, cha till mi air falbh a pheanas; a chionn gun do ruaig e a bhràthair leis a’ chlaidheamh, agus gun do thilg e uaithe a h‑uile iochd, agus gun do reub a fhearg a‑ghnàth, agus gun do ghlèidh e a chorraich an còmhnaidh.

Deuteronomi 2:19

Agus nuair a thig thu am fagas thall fa chomhair chloinn Amoin, na buin gu naimhdeil riu, cha mhò a bheanas tu riu: oir cha toir mi dhut sealbh sam bith de fhearann chloinn Amoin, a chionn gun tug mi e do chloinn Lot mar sheilbh.

Deuteronomi 2:9

Agus thubhairt an Tighearna rium, Na buin gu naimhdeil ris na Mòabaich, agus na dèan strì riu ann an cath: oir cha toir mi dhut a’ bheag dem fearann mar sheilbh, a chionn gun tug mi Ar do chloinn Lot mar sheilbh.