2 Eachdraidh 19:8

Am Bìoball Gàidhlig 1992

Agus mar an ceudna ann an Ierusalem shuidhich Iehosaphat cuid de na Lèbhithich, agus de na sagartan, agus de chinn-theaghlach Israeil, airson breitheanas an Tighearna, agus gu connsachadh a chrìochnachadh nuair a thill iad gu Ierusalem.

Iomraidhean Croise

1 Eachdraidh 23:4

Dhiubh sin bha ceithir-mìle-fichead gu obair taigh an Tighearna a chur air a h‑aghaidh, agus sia mìle nan luchd-riaghlaidh agus nam britheamhan:

1 Eachdraidh 26:29

De na h‑Idsaraich, bha Chenaniah agus a mhic fa chomhair nan gnothaichean on leth a‑muigh os cionn Israeil, nan luchd-riaghlaidh agus nam britheamhan.

2 Eachdraidh 19:11

Agus, feuch, tha Amariah an t‑àrd-shagart os ur cionn ann an uile ghnothaichean an Tighearna; agus Sebadiah mac Ismaeil na cheannard air taigh Iùdah ann an uile ghnothaichean an rìgh; agus na Lèbhithich nan luchd-riaghlaidh nur fianais. Bithibh misneachail, agus dèanaibh; agus bidh an Tighearna maille ris a’ mhath.

2 Eachdraidh 19:9

Agus thug e sparradh dhaibh, ag ràdh, Mar seo nì sibh ann an eagal an Tighearna, ann an ionracas, agus le cridhe iomlan.

Salm 122:5

Oir an sin tha cathraichean breitheanais air an suidheachadh, cathraichean taigh Dhaibhidh.

Eseciel 44:24

Agus ann an còmhstri seasaidh iad ann am breitheanas; bheir iad breith air a rèir mo reachdan-sa; agus coimheadaidh iad mo lagh agus mo reachdan, ann am uile choitheanail, agus naomhaichidh iad mo shàbaidean.

Deuteronomi 21:5

Agus thig na sagartan, mic Lèbhi, am fagas; (oir iadsan thagh an Tighearna do Dhia gu frithealadh dha fhèin, agus gu beannachadh ann an ainm an Tighearna;) agus a rèir am facail-san crìochnaichear gach uile chonnsachadh, agus gach uile bhuille.

Deuteronomi 25:1

Ma bhios connsachadh eadar daoine, agus gun tig iad gu breitheanas, a‑chum is gun toir na britheamhan breith orra; an sin saoraidh iad an t‑ionracan, agus dìtidh iad an ciontach.