2 Eachdraidh 19:10

Am Bìoball Gàidhlig 1992

Agus ge bè cùis a thig dur n‑ionnsaigh o ur bràithrean a tha a chòmhnaidh nam bailtean, eadar fuil agus fuil, eadar lagh agus àithne, reachdan agus breitheanais, bheir sibh rabhaidh dhaibh nach dèan iad easaontas an aghaidh an Tighearna, agus gun tig fearg oirbhse agus air ur bràithrean: dèanaibh mar seo, agus cha chiontaich sibh.

Iomraidhean Croise

2 Eachdraidh 19:2

Agus chaidh Iehu mac Hanani am fear-seallaidh a‑mach na choinneamh, agus thubhairt e ri rìgh Iehosaphat, Am buineadh dhutsa an t‑aingidh a chuideachadh, agus iadsan a ghràdhachadh a dh’fhuathaicheas an Tighearna? Uime sin tha fearg riut o làthair an Tighearna.

2 Eachdraidh 19:9

Agus thug e sparradh dhaibh, ag ràdh, Mar seo nì sibh ann an eagal an Tighearna, ann an ionracas, agus le cridhe iomlan.

Ecsodus 18:16

Nuair a bhios cùis aca, thig iad am ionnsaigh, agus bheir mi breith eadar duine agus duine, agus nochdaidh mi dhaibh òrdaighean Dhè, agus a laghannan.

Eseciel 3:17

A mhic an duine, rinn mise fear-faire dhìot do thaigh Israeil: uime sin, èisd am facal om bheul, agus thoir rabhadh dhaibh uamsa.

Eseciel 33:6

Ach ma chì am fear-faire an claidheamh a’ teachd, agus nach sèid e an trompaid, agus nach faigh an sluagh rabhadh ma thig an claidheamh, agus gun toir e aon neach air falbh uapa, tha e air a thoirt air falbh na aingidheachd: ach iarraidh mise a fhuil air làimh an fhir-fhaire.

Àireamh 16:46

Agus thubhairt Maois ri Aaron, Glac tùiseir, agus cuir teine ann bhàrr na h‑altarach, agus cuir tùis air, agus imich gu grad a dh’ionnsaigh a’ cho-chruinneachaidh, agus dèan rèite air an son; oir chaidh fearg a‑mach on Tighearna: thòisich a’ phlàigh.

Àireamh 17:11

Agus rinn Maois mar sin: mar a dh’àithn an Tighearna dha, mar sin rinn e.

Gnìomharan 20:31

Uime sin dèanaibh faire, a’ cuimhneachadh nach do sguir mise rè thrì bliadhna de chomhairleachadh gach aoin agaibh a là agus a dh’oidhche le deòir.

Deuteronomi 21:5

Agus thig na sagartan, mic Lèbhi, am fagas; (oir iadsan thagh an Tighearna do Dhia gu frithealadh dha fhèin, agus gu beannachadh ann an ainm an Tighearna;) agus a rèir am facail-san crìochnaichear gach uile chonnsachadh, agus gach uile bhuille.

1 Tesalònianaich 5:14

A‑nis guidheamaid oirbh, a bhràithrean, thugaibh rabhadh dhaibhsan a tha mì‑riaghailteach, thugaibh comhfhurtachd dhaibhsan a tha lag-chridheach, cumaibh suas iadsan a tha anfhann, bithibh foighidinneach a‑thaobh nan uile dhaoine.