2 Eachdraidh 18:10

Am Bìoball Gàidhlig 1992

Agus rinn Sedeciah, mac Chenannah, adhaircean iarainn dha fhèin, agus thubhairt e, Mar seo tha an Tighearna ag ràdh, Leo seo buailidh tu na Sirianaich, gus an cuirear as dhaibh.

Iomraidhean Croise

1 Rìgh 22:11

Agus rinn Sedeciah mac Chenaanah adhaircean iarainn dha fhèin, agus thubhairt e, Mar seo tha an Tighearna ag ràdh, Leo seo buailidh tu na Sirianaich, gus an cuir thu as dhaibh.

2 Eachdraidh 18:11

Agus rinn na fàidhean uile fàidheadaireachd mar sin, ag ràdh, Falbh suas gu Ramot-gilead, agus soirbhich; oir bheir an Tighearna ann an làimh an rìgh iad.

2 Eachdraidh 18:9

Agus shuidh rìgh Israeil, agus Iehosaphat rìgh Iùdah, gach fear air a rìgh-chathair fhèin, len earradh rìoghail orra, agus shuidh iad ann an àite rèidh, aig dol a‑steach geata Shamaria; agus bha na fàidhean uile ri fàidheadaireachd nan làthair.

Ieremiah 23:17

Ag ràdh an còmhnaidh ris a’ mhuinntir a tha a’ dèanamh dìmeas air facal an Tighearna, Bidh sìth agaibh; agus am feadh a tha gach aon ag imeachd a rèir ana-miann a chridhe fhèin, tha iad ag ràdh, Cha tig olc air bith oirbh.

Ieremiah 23:21

Cha do chuir mise na fàidhean seo a‑mach, gidheadh ruith iad: cha do labhair mi riu, gidheadh rinn iad fàistneachd.

Ieremiah 23:25

Chuala mise ciod a thubhairt na fàidhean, a tha a’ fàistneachd bhreug ann am ainm-sa, ag ràdh, Chunnaic mi aisling, chunnaic mi aisling.

Ieremiah 23:31

Feuch, tha mise an aghaidh nam fàidhean, deir an Tighearna, a tha a’ gnàthachadh an teangaidh fhèin, agus ag ràdh, Labhair esan e.

Ieremiah 27:2

Mar seo tha an Tighearna ag ràdh rium, Dèan dhut fhèin bannan agus cuingean, agus cuir iad air do mhuineal;

Ieremiah 29:21

Mar seo deir Tighearna nan sluagh, Dia Israeil, a‑thaobh Ahaib mhic Cholaiah, agus Shedeciah mhic Mhaaseiah, a tha a’ fàistneachd brèige dhuibh ann am ainm-sa, Feuch, bheir mise thairis iad do làimh Nebuchadnesair rìgh Bhàbiloin, agus marbhaidh esan iad fa chomhair ur sùl;

Eseciel 13:7

Nach faca sibh sealladh faoin, agus nach do labhair sibh fiosachd bhrèige, le bhith ag ràdh, Thubhairt an Tighearna, ged nach do labhair mise?

Eseciel 22:28

Agus chòmhdaich a fhàidhean iad le criadh gun obrachadh, a’ faicinn dìomhanais, agus a’ fàistneachd bhreug dhaibh, ag ràdh, Mar seo tha an Tighearna Dia ag ràdh, nuair nach do labhair an Tighearna.

2 Timòteus 3:8

Agus mar a chuir Iannes agus Iambres an aghaidh Mhaois, mar sin tha iadsan a’ cur an aghaidh na fìrinn: daoine aig a bheil inntinn thruaillidh, gun tuigse a‑thaobh a’ chreidimh.