2 Eachdraidh 18:1

Am Bìoball Gàidhlig 1992

Agus bha aig Iehosaphat beartas agus cliù ann am pailteas: agus rinn e cleamhnas ri Ahab.

Iomraidhean Croise

1 Rìgh 21:25

Ach cha robh neach ann cosmhail ri Ahab, a reic e fhèin a dhèanamh uilc ann an sùilean an Tighearna, do bhrìgh gun do chuir a bhean Iesebel thuige e.

1 Rìgh 22:1

Agus dh’fhan iad trì bliadhna gun chogadh eadar Siria agus Israel.

1 Rìgh 22:45

Agus a’ chuid eile de ghnìomharan Iehosaphat, agus a thrèine a dh’fheuch e, agus cionnas a chog e, nach eil iad sgrìobhte ann an leabhar eachdraidh rìghrean Iùdah?

2 Rìgh 11:1

Agus nuair a chunnaic Ataliah màthair Ahasiah gu robh a mac marbh, dh’èirich i, agus sgrios i an sliochd rìoghail uile.

2 Rìgh 8:18

Agus ghluais e ann an slighe rìghrean Israeil, mar a rinn taigh Ahaib; oir bha nighean Ahaib na mnaoi aige: agus rinn e olc ann an sùilean an Tighearna.

2 Eachdraidh 17:12

Agus dh’fhàs Iehosaphat gu h‑anabarrach mòr: agus thog e ann an Iùdah caistealan agus bailtean-ionmhais.

2 Eachdraidh 17:5

Uime sin dhaingnich an Tighearna an rìoghachd na làimh; agus thug Iùdah uile tìodhlacan gu Iehosaphat: agus bha aige beartas agus urram ann am pailteas.

2 Eachdraidh 18:31

Agus nuair a chunnaic ceannardan nan carbad Iehosaphat, thubhairt iad, Is e seo rìgh Israeil: uime sin thàinig iad mun cuairt air a chogadh. Ach ghlaodh Iehosaphat a‑mach, agus chuidich an Tighearna leis, agus dh’aom Dia iad gu falbh uaithe.

2 Eachdraidh 19:2

Agus chaidh Iehu mac Hanani am fear-seallaidh a‑mach na choinneamh, agus thubhairt e ri rìgh Iehosaphat, Am buineadh dhutsa an t‑aingidh a chuideachadh, agus iadsan a ghràdhachadh a dh’fhuathaicheas an Tighearna? Uime sin tha fearg riut o làthair an Tighearna.

2 Eachdraidh 20:35

Agus na dhèidh seo rinn Iehosaphat rìgh Iùdah coicheangal ri Ahasiah rìgh Israeil, a bha olc na dhèanadas.

2 Eachdraidh 21:6

Agus ghluais e ann an slighe rìghrean Israeil, mar a rinn taigh Ahaib; oir bha nighean Ahaib na mnaoi aige: agus rinn e olc ann an sùilean an Tighearna.

Mata 6:33

Ach iarraibh air tùs rìoghachd Dhè agus a fhìreantachd-san, agus cuirear na nithean seo uile ribh.

2 Corintianach 6:14

Na cuing-cheanglar gu neo-chothromach sibh maille ri mì‑chreidmhich: oir ciod e caidreamh na fìreantachd ri neo-fhìreantachd? Agus ciod e comann an t‑solais ris an dorchadas?