2 Eachdraidh 17:17

Am Bìoball Gàidhlig 1992

Agus de Bheniàmin: Eliada fear comasach gaisgeil, agus maille ris daoine armaichte le bogha agus le targaid, dà cheud mìle.

Iomraidhean Croise

1 Eachdraidh 7:11

Bha iad sin uile mic Iediaeil, a rèir cinn an athraichean, daoine treuna, nan seachd-mìle-deug agus dà cheud fear, iomchaidh gu dol a‑mach a‑chum cogaidh agus catha.

2 Eachdraidh 14:7

Uime sin thubhairt e ri Iùdah, Togamaid na bailtean seo, agus dèanamaid mun cuairt orra ballachan, le tùir, geatachan, agus crainn, nuair a tha an tìr fhathast romhainn: oir dh’iarr sinne an Tighearna ar Dia; dh’iarr sinn e, agus thug e fois dhuinn air gach taobh. Uime sin thog e iad, agus shoirbhich leo.

2 Eachdraidh 14:8

Agus bha aig Asa armailt de dhaoine a dh’iomchair sgiath agus sleagh, à Iùdah trì cheud mìle, agus à Beniàmin, a dh’iomchair targaid agus a tharraing bogha dà cheud agus ceithir fichead mìle; iad sin uile nan daoine treuna gaisgeil.

2 Eachdraidh 17:16

Agus na dhèidh-san Amasiah mac Shichri, a thug e fhèin suas don Tighearna, agus maille ris dà cheud mìle fear comasach gaisgeil.

2 Eachdraidh 17:18

Agus na dhèidh-san Iehosabad, agus maille ris ceud agus ceithir-fichead mìle, deas gu cogadh.

Àireamh 1:36

De chloinn Bheniàmin, a rèir an ginealaichean, a rèir an teaghlaichean, a rèir taighean an athraichean, a rèir àireamh nan ainmean, o fhichead bliadhna a dh’aois agus os a chionn, gach aon a b’urrainn dol a‑mach gu cogadh;