2 Eachdraidh 16:14

Am Bìoball Gàidhlig 1992

Agus dh’adhlaic iad e na uaigh fhèin, a rinn e air a shon fhèin ann am baile Dhaibhidh, agus chuir iad na laighe e ann an leabaidh, a lìonadh le nithean cùbhraidh, agus le iomadh gnè ola air an deasachadh le ealadhain an lèigh: agus rinn iad dha losgadh ro‑mhòr.

Iomraidhean Croise

Genesis 50:2

Agus dh’àithn Iòseph da sheirbhisich, na lèighean, spìosraidh a chur air corp a athar; agus chuir na lèighean spìosraidh air Israel.

Genesis 50:5

Ghabh m’athair mionnan dhìom, ag ràdh, Feuch, tha mise a’ faghail a’ bhàis: ann am uaigh a chladhaich mi dhomh fhèin ann an tìr Chanàain, an sin adhlaicidh tu mi. A‑nis uime sin leig dhomh dol suas, guidheam ort, agus m’athair adhlac, agus thig mi a‑rìs.

2 Samuel 2:32

Agus thog iad leo Asahel, agus dh’adhlaic iad e ann an àit-adhlacaidh a athar, a bha ann am Betlehem: agus dh’imich Ioab agus a dhaoine rè na h‑oidhche, agus thàinig iad gu Hebron mu bhriseadh na fàire.

2 Eachdraidh 16:13

Agus chaidil Asa maille ra athraichean, agus dh’eug e anns a’ chiad bliadhna agus dà‑fhichead de a rìoghachadh.

2 Eachdraidh 21:19

Agus an dèidh làithean àraidh, an ceann dà bhliadhna, thuit a mhionach a‑mach le a eucail, agus fhuair e bàs le droch ghalaran; agus cha do rinn a shluagh losgadh air a shon cosmhail ri losgadh a athraichean.

2 Eachdraidh 32:33

Agus chaidil Heseciah maille ra athraichean, agus dh’adhlaic iad e ann an àrd-àit-adhlacaidh mic Dhaibhidh: agus thug Iùdah uile agus luchd-àiteachaidh Ierusaleim urram dha nuair a fhuair e bàs. Agus rìghich Manaseh a mhac na àite.

2 Eachdraidh 35:24

Agus thug a sheirbhisich e as a’ charbad sin, agus chuir iad e anns an dara carbad a bha aige; agus thug iad e gu Ierusalem, agus fhuair e bàs, agus dh’adhlaiceadh e ann an àit-adhlaic a athraichean: agus rinn Iùdah agus Ierusalem uile caoidh airson Iosiah.

Eclesiastes 10:1

Bheir cuileagan marbha air ola-ungaidh an lèigh boladh breun a chur uaipe: is amhail a nì beagan amaideachd airsan a tha cliùiteach airson gliocais agus urraim.

Isaiah 22:16

Ciod a tha agad an seo, agus cò a tha agad an seo, gun do chladhaich thu a‑mach uaigh an seo air do shon fhèin, mar neach a tha a’ cladhach a‑mach uaighe dha fhèin gu h‑àrd, a tha a’ gearradh àite-còmhnaidh dha fhèin ann an carraig?

Ieremiah 34:5

Gheibh thu bàs ann an sìth; agus a rèir losgadh d’athraichean, na rìghrean roimhe seo, a bha air thoiseach ortsa, is amhlaidh a loisgear tùis dhutsa; agus nì iad caoidh air do shon, ag ràdh, Och a thighearna! oir labhair mise am facal, deir an Tighearna.

Marcus 16:1

Agus air dol don t‑sàbaid seachad, cheannaich Muire Magdalen, agus màthair Sheumais, agus Salòme, spìosraidh deagh fhàile, a‑chum air dhaibh teachd gun ungadh iad e.

1 Samuel 31:12

Dh’èirich na daoine treuna uile, agus dh’imich iad rè na h‑oidhche, agus thug iad corp Shauil, agus cuirp a chuid mhac, o bhalla Bhet-sain, agus thàinig iad gu Iabes, agus loisg iad an sin iad.