2 Eachdraidh 14:2

Am Bìoball Gàidhlig 1992

Agus rinn Asa an nì a bha math agus ceart ann an sùilean an Tighearna a Dhia:

Iomraidhean Croise

1 Rìgh 15:11

Agus rinn Asa an nì a bha ceart ann an sùilean an Tighearna, mar a rinn Daibhidh a athair.

1 Rìgh 15:12

Agus dh’fhuadaich e na Sòdomaich as an tìr, agus chuir e air falbh na dealbhan uile a rinn a athraichean.

1 Rìgh 15:14

Ach cha do chuireadh as do na h‑àitean àrda: gidheadh, bha cridhe Asa iomlan leis an Tighearna rè a làithean uile.

2 Eachdraidh 14:1

Agus chaidil Abiah maille ra athraichean, agus dh’adhlaic iad e ann am baile Dhaibhidh; agus rìghich Asa a mhac na àite. Na làithean-san bha an tìr sàmhach deich bliadhna.

2 Eachdraidh 14:3

Oir chuir e air falbh altairean nan diathan coimheach, agus na h‑àitean àrda, agus bhris e sìos na dealbhan, agus gheàrr e sìos na doireachan;

2 Eachdraidh 15:16

Agus mar an ceudna a‑thaobh Mhaachah, màthair rìgh Asa, chuir e i o bhith na bànrighinn, a chionn gun do rinn i dealbh uamhasach ann an doire: agus gheàrr Asa sìos a dealbh uamhasach, agus mhìn-phronn e e, agus loisg e e aig sruth Chidroin.

2 Eachdraidh 17:6

Agus dh’àrdaicheadh a chridhe ann an slighean an Tighearna; agus mar an ceudna chuir e air falbh na h‑àitean àrda agus na doireachan à Iùdah.

2 Eachdraidh 20:32

Agus ghluais e ann an slighe Asa a athair, agus cha do dhealaich e rithe, a’ dèanamh an nì a bha ceart ann an sùilean an Tighearna.

2 Eachdraidh 21:12

Agus thàinig sgrìobhadh da ionnsaigh o Eliah am fàidh, ag ràdh, Mar seo tha an Tighearna, Dia Dhaibhidh d’athair, ag ràdh, A chionn nach do ghluais thu ann an slighean Iehosaphait, d’athair, no ann an slighean Asa rìgh Iùdah,

2 Eachdraidh 31:1

Agus nuair a chrìochnaicheadh seo uile, chaidh Israel uile a bha an làthair a‑mach do bhailtean Iùdah, agus bhris iad na dealbhan, agus gheàrr iad sìos na doireachan, agus thilg iad sìos na h‑ionadan àrda agus na h‑altairean à Iùdah uile agus à Beniàmin, agus ann an Ephraim agus Manaseh, gus an do sgrios iad gu tur iad. An sin thill clann Israeil uile, gach duine a dh’ionnsaigh a sheilbhe fhèin, dam bailtean fhèin.

2 Eachdraidh 31:20

Agus rinn Heseciah mar seo air feadh Iùdah uile: agus rinn e an nì sin a bha math, agus ceart, agus fìrinneach ann am fianais an Tighearna a Dhia.

2 Eachdraidh 34:7

Agus nuair a bhris e sìos na h‑altairean agus na doireachan, agus a phronn e na dealbhan snaidhte gu luaithre, agus a gheàrr e sìos na dealbhan grèine uile air feadh tìr Israeil uile, thill e gu Ierusalem.

Ecsodus 23:24

Cha chrom thu thu fhèin sìos dan diathan, agus cha dèan thu seirbhis dhaibh, cha mhò a nì thu a rèir an obrach, ach sgriosaidh tu gu tur iad, agus brisidh tu an dealbhan nam bloighdean.

Lùcas 1:75

Ann an naomhachd agus ann am fìreantachd na làthair fhèin uile làithean ar beatha.

Deuteronomi 12:3

Agus leagaidh sibh sìos an altairean, agus brisidh sibh an carraighean, agus loisgidh sibh an doireachan le teine, agus gearraidh sibh sìos dealbhan snaidhte an diathan, agus sgriosaidh sibh an ainm a‑mach as an àite sin.