2 Eachdraidh 14:14

Am Bìoball Gàidhlig 1992

Agus bhuail iad na bailtean uile mun cuairt air Gèrar, oir bha eagal an Tighearna orra; agus chreach iad na bailtean uile, oir bha mòran creiche annta.

Iomraidhean Croise

Genesis 35:5

Agus dh’imich iad: agus bha eagal Dhè air na bailtean a bha mun cuairt orra, agus cha do rinn iad tòireachd air mic Iàcoib.

1 Rìgh 15:23

Agus a’ chuid eile de uile ghnìomharan Asa, agus a neart uile, agus gach nì a rinn e, agus na bailtean a thog e, nach eil iad sgrìobhte ann an leabhar eachdraidh rìghrean Iùdah? Gidheadh, an àm a sheann aoise bha eucail na chasan.

2 Rìgh 7:16

Agus chaidh an sluagh a‑mach, agus chreach iad camp nan Sirianach: agus reiceadh tomhas de mhin mhìn air secel, agus dà thomhas eòrna air secel, a rèir facal an Tighearna.

2 Eachdraidh 14:15

Agus bhuail iad mar an ceudna bùthan na sprèidhe, agus thug iad leo caoraich ann am pailteas, agus càmhail; agus thill iad gu Ierusalem.

2 Eachdraidh 17:10

Agus bha eagal an Tighearna air uile rìoghachdan nan tìrean a bha mun cuairt air Iùdah, agus cha do chog iad ri Iehosaphat.

2 Eachdraidh 20:25

Agus thàinig Iehosaphat agus a shluagh a thoirt leo an creiche; agus fhuair iad nam measg ann am pailteas araon beartas maille ris na cuirp mharbha, agus seudan luachmhor a thug iad dhiubh air an son fhèin, tuilleadh is a b’urrainn iad iomchar leo: agus bha iad trì làithean ann an cruinneachadh na creiche; oir bha i mòr.

2 Eachdraidh 20:29

Agus bha eagal Dhè air uile rìoghachdan nan dùthchannan sin, nuair a chuala iad gun do chog an Tighearna an aghaidh naimhdean Israeil.

Iob 15:21

Tha fuaim eagalach na chluasan: na shoirbheachadh thig am fear-millidh air.

Salm 68:12

Theich, theich rìghrean nan armailtean, agus roinn ise a dh’fhan aig an taigh a’ chreach.

Isaiah 31:9

Agus tro eagal thèid e a‑null a dh’ionnsaigh a dhaingnich, agus gabhaidh a chinn-fheadhna geilt ron bhrataich, deir an Tighearna, aig a bheil a theine ann an Sion, agus a àmhainn ann an Ierusalem.

Isaiah 33:23

Tha do chùird fuasgailte; cha b’urrainn iad an crann a ro‑dhaingneachadh; cha b’urrainn iad an seòl a sgaoileadh; an sin tha creach phailt air a roinn; ghlac am bacach a’ chobhartach.

Ròmanaich 8:37

Chan eadh, ach anns na nithean sin uile tha sinn a’ toirt tuilleadh agus buaidh, trìdsan a ghràdhaich sinn.

Deuteronomi 2:25

Air an là‑an‑diugh tòisichidh mi air d’uamhann-sa agus d’eagal a chur air na cinnich a tha fo nèamh uile, a chluinneas iomradh ort: agus criothnaichidh iad, agus bidh cràdh orra ad làthair.

Iosua 2:24

Agus thubhairt iad ri Iosua, Gu fìrinneach thug an Tighearna thairis dar làimh am fearann uile: oir tha eadhon luchd-àiteachaidh na tìre uile air leaghadh far comhair.

Iosua 5:1

Agus nuair a chuala uile rìghrean nan Amorach, a bha air an taobh thall de Iòrdan a làimh na h‑àird an iar, agus uile rìghrean nan Canàanach, a bha làimh ris an fhairge, gun do thiormaich an Tighearna suas uisgeachan Iòrdain ro chloinn Israeil, gus an deachaidh sinn thairis, leagh an cridhe, agus cha robh spiorad tuilleadh annta, airson chloinn Israeil.

Britheamhan 14:19

Agus thàinig spiorad an Tighearna air gu treun, agus chaidh e sìos gu Ascelon, agus mharbh e dhiubh deich-ar‑fhichead fear, agus ghabh e am faobh, agus thug e culaidhean aodaich dhaibhsan a dh’fhuasgail an tòimhseachan: agus las a fhearg, agus chaidh e suas gu taigh a athar.

1 Samuel 14:15

Agus bha ball-chrith anns an fheachd anns a’ mhachair, agus am measg an t‑sluaigh uile: bha crith mar an ceudna air an fhreiceadan agus air an luchd-millidh fhèin, agus chriothnaich an talamh; agus bha i na crith ro‑mhòir.