2 Eachdraidh 12:15

Am Bìoball Gàidhlig 1992

A‑nis gnìomharan Rehobòaim, an toiseach agus mu dheireadh, nach eil iad sgrìobhte ann an leabhar Shemaiah am fàidh, agus Ido am fear-seallaidh, mu thimcheall ghinealach? Agus bha cogadh eadar Rehobòam agus Ierobòam rè an làithean uile.

Iomraidhean Croise

1 Rìgh 12:22

Ach thàinig facal Dhè gu Semaiah, duine le Dia, ag ràdh,

1 Eachdraidh 29:29

A‑nis gnìomharan Dhaibhidh an rìgh, eadar thoiseach agus dheireadh, feuch, tha iad sgrìobhte ann an leabhar Shamueil am fear-seallaidh, agus ann an leabhar Nàtain am fàidh agus ann an leabhar Ghad am fear-seallaidh,

2 Eachdraidh 11:2

Ach thàinig facal an Tighearna gu Semaiah òglach Dhè, ag ràdh,

2 Eachdraidh 12:5

An sin thàinig Semaiah am fàidh gu Rehobòam, agus gu uachdarain Iùdah, a bha air cruinneachadh gu Ierusalem air eagal Shisaic, agus thubhairt e riu, Mar seo tha an Tighearna ag ràdh, Dh’fhàg sibhse mise, agus air an adhbhar sin dh’fhàg mise sibhse ann an làimh Shisaic.

2 Eachdraidh 13:1

A‑nis anns an ochdamh-bliadhna-deug de rìgh Ierobòam, thòisich Abiah air rìoghachadh os cionn Iùdah.

2 Eachdraidh 13:2

Trì bliadhna rìghich e ann an Ierusalem: agus b’e ainm a mhàthar Maachah, nighean Urieil o Ghilbeah. Agus bha cogadh eadar Abiah agus Ierobòam.

2 Eachdraidh 13:22

Agus a’ chuid eile de ghnìomharan Abiah, agus a shlighean, agus a bhriathran, tha iad sgrìobhte ann an eachdraidh an fhàidh Ido.

2 Eachdraidh 16:11

Agus, feuch, gnìomharan Asa, an toiseach agus mu dheireadh, feuch, tha iad sgrìobhte ann an leabhar rìghrean Iùdah agus Israeil.

2 Eachdraidh 20:34

A‑nis a’ chuid eile de ghnìomharan Iehosaphait, an toiseach agus mu dheireadh, feuch, tha iad sgrìobhte ann am briathran Iehu mhic Hanani, a chuir e sìos ann an leabhar rìghrean Israeil.

2 Eachdraidh 28:26

Agus a chuid eile de a ghnìomharan agus de a shlighean uile, an toiseach agus mu dheireadh, feuch, tha iad sgrìobhte ann an leabhar rìghrean Iùdah agus Israeil.

2 Eachdraidh 35:27

Eadhon a ghnìomharan an toiseach agus mu dheireadh, feuch, tha iad sgrìobhte ann an leabhar rìghrean Israeil agus Iùdah.

2 Eachdraidh 9:29

Agus a’ chuid eile de ghnìomharan Sholaimh, an toiseach agus mu dheireadh, nach eil iad sgrìobhte ann an leabhar Nàtain am fàidh, agus ann am fàidheadaireachd Ahiah an Silonach, agus ann an seallaidhean Ido am fear-seallaidh an aghaidh Ierobòaim mhic Nebait?