2 Corintianach 13:3

Am Bìoball Gàidhlig 1992

O tha sibh ag iarraidh dearbhaidh air Crìosd a’ labhairt annamsa, neach dur taobh-se nach eil anfhann, ach a tha cumhachdach annaibh.

Iomraidhean Croise

Mata 10:20

Oir cha sibhse a labhras, ach Spiorad ur n‑Athar fhèin a labhras annaibh.

Lùcas 21:15

Oir bheir mise dhuibh beul agus gliocas, nach bi ur naimhdean uile comasach air labhairt no cur na aghaidh.

1 Corintianach 7:40

Ach tha i nas sona ma dh’fhanas i mar sin, a rèir mo bhreith-sa: agus is i mo bharail gu bheil Spiorad Dhè agam.

2 Corintianach 10:1

A‑nis tha mise fhèin Pòl a’ guidhe oirbh, tre mhacantas agus shèimheachd Chrìosd, neach air dhomh a bhith an làthair a tha ìosal nur measg, ach air dhomh a bhith uaibh a tha dàn oirbh:

2 Corintianach 10:4

(Oir ar n‑airm-chogaidh chan eil iad feòlmhor, ach cumhachdach o Dhia a‑chum daingnichean a leagail:)

2 Corintianach 12:12

Gu deimhinn dh’obraicheadh comharraidhean abstoil nur measg-se anns gach uile fhoighidinn, ann an comharraidhean agus ann an iongantais, agus ann an cumhachdan.

2 Corintianach 2:10

Ge bè neach don toir sibhse maitheanas ann an nì sam bith, bheir mise mar an ceudna: oir ma thug mise maitheanas ann an nì sam bith, ge bè don tug mi am maitheanas, is ann air ur son-se a thug mi e, am fianais Chrìosd;

2 Corintianach 2:6

Is leòr da leithid sin de dhuine am peanas seo, a leagadh air le mòran.

2 Corintianach 9:8

Agus tha Dia comasach air gach gràs a dhèanamh ro‑phailt dhuibhse, a‑chum air dhuibh anns gach uile nì làn-leòr a bhith agaibh a‑ghnàth, gum biodh sibh pailt a‑chum gach deagh obrach.