2 Corintianach 10:12

Am Bìoball Gàidhlig 1992

Oir chan eil de dhànadas againn sinn fhèin a chur an àireamh, no a choimeas ri dream àraidh a mholas iad fhèin: ach air dhaibhsan a bhith gan tomhas fhèin eatorra fhèin, agus gan coimeas fhèin riu fhèin, chan eil iad glic.

Iomraidhean Croise

Iob 12:2

Chan eil teagamh nach sibhse an sluagh, agus maille ribhse bàsaichidh gliocas!

Gnàth-fhacal 25:27

Chan eil e math mòran meala ithe; agus cha ghlòir e do dhaoine an glòir fhèin iarraidh.

Gnàth-fhacal 26:12

A bheil thu a’ faicinn duine a tha glic na bharail fhèin? Tha adhbhar dòchais nas mò den amadan na dheth-san.

Gnàth-fhacal 27:2

Moladh neach eile thu, agus na b’e do bheul fhèin; coigreach, agus na b’iad do bhilean fhèin.

Lùcas 18:11

Sheas am Pharasach leis fhèin, agus rinn e ùrnaigh mar seo, A Dhè, tha mi a’ toirt buidheachais dhut nach eil mi mar a tha daoine eile, nan luchd-fòirneirt, eucorach, adhaltranach, no eadhon mar an cìs-mhaor seo.

Ròmanaich 15:18

Oir cha bhi dànachd agam labhairt air a’ bheag de na nithean sin, nach d’obraich Crìosd leam, a‑chum na Cinnich a dhèanamh umhail ann am facal agus ann an gnìomh,

2 Corintianach 10:11

Smaoinicheadh a leithid sin de dhuine seo, mar a tha sinn ann am facal tre litrichean, agus sinn as làthair, mar sin gum bi sinn ann an gnìomh air dhuinn a bhith an làthair.

2 Corintianach 10:18

Oir chan e an tì a mholas e fhèin a tha ionmholta, ach an tì a mholas an Tighearna.

2 Corintianach 3:1

An tòisich sinn a‑rìs air sinn fhèin a mholadh? No a bheil feum againn, mar aig dream àraidh, air litrichean molaidh dur n‑ionnsaigh-se, no air litrichean molaidh uaibh?

2 Corintianach 5:12

Oir chan eil sinn gar moladh fhèin a‑rìs dhuibh, ach tha sinn a’ toirt fàth uaille dhuibh dar taobh, a‑chum gum bi freagradh agaibh dhaibhsan a tha a’ dèanamh uaill ann an gnùis, agus chan ann an cridhe.