1 Samuel 9:9

Am Bìoball Gàidhlig 1992

(O shean ann an Israel, nuair a rachadh duine a dh’fhiosrachadh de Dhia, mar seo labhradh e: Thigibh, agus rachamaid a dh’ionnsaigh an fhir-sheallaidh; oir esan ris an abrar a‑nis fàidh, o shean theirte fear-seallaidh ris.)

Iomraidhean Croise

Genesis 25:22

Agus bha a’ chlann a’ strì ri chèile an taobh a‑staigh dhith: agus thubhairt ise, Ma tha a’ chùis mar sin, carson a tha mi mar seo? Agus chaidh i a dh’fhiosrachadh den Tighearna.

2 Samuel 24:11

Agus dh’èirich Daibhidh anns a’ mhadainn, agus thàinig facal an Tighearna a dh’ionnsaigh an fhàidh Gad, fear-seallaidh Dhaibhidh, ag ràdh,

2 Rìgh 17:13

Gidheadh thug an Tighearna fianais an aghaidh Israeil, agus an aghaidh Iùdah, leis na fàidhean uile, agus leis an luchd-seallaidh uile, ag ràdh, Tillibh o ur droch shlighean, agus gleidhibh m’àitheantan agus mo reachdan, a rèir an lagha uile a dh’àithn mi dur n‑athraichean, agus a chuir mi dur n‑ionnsaigh lem sheirbhisich na fàidhean.

1 Eachdraidh 21:9

Agus labhair an Tighearna ri Gad, fear-seallaidh Dhaibhidh, ag ràdh,

1 Eachdraidh 26:28

Agus gach uile nì a choisrig Samuel am fear-seallaidh, agus Saul mac Chis, agus Abner mac Neir, agus Ioab mac Sheruiah; agus ge bè neach a choisrig nì air bith, bha sin fo làimh Shelomit agus a bhràithrean.

1 Eachdraidh 29:29

A‑nis gnìomharan Dhaibhidh an rìgh, eadar thoiseach agus dheireadh, feuch, tha iad sgrìobhte ann an leabhar Shamueil am fear-seallaidh, agus ann an leabhar Nàtain am fàidh agus ann an leabhar Ghad am fear-seallaidh,

1 Eachdraidh 9:22

Iad sin uile a thaghadh gu bhith nan dorsairean anns na geatachan, bu dà cheud agus dà‑fhear-dheug iad. Dh’àirmheadh iad sin a rèir an ginealaichean nam frith-bhailtean, a shuidhich Daibhidh agus Samuel, am fear-seallaidh, nan dreuchd suidhichte.

2 Eachdraidh 16:10

An sin bha fearg air Asa ris an fhear-sheallaidh, agus chuir e ann an taigh-prìosain e, a chionn gu robh e ann an corraich ris a‑thaobh an nì seo. Agus rinn Asa ainneart air cuid den t‑sluagh anns an àm sin.

2 Eachdraidh 16:7

Agus anns an àm sin thàinig Hanani am fear-seallaidh gu Asa rìgh Iùdah, agus thubhairt e ris, A chionn gun d’earb thu à rìgh Shiria, agus nach d’earb thu as an Tighearna do Dhia, uime sin tha armailt rìgh Shiria air dol as od làimh.

Isaiah 29:10

Oir dhòirt an Tighearna oirbh spiorad suaine; agus dhruid e suas ur sùilean; air na fàidhean agus ur luchd-riaghlaidh, agus air an luchd-seallaidh chuir e còmhdach.

Isaiah 30:10

A tha ag ràdh ris na fir-sheallaidh, Na faicibh; agus ris an fàidhean, Na labhraibh nithean cearta rinn ann am fàistneachd; labhraibh rinn nithean mìne; dèanaibh fàistneachd cheilge:

Amos 7:12

Thubhairt Amasiah mar an ceudna ri Amos, O fhiosaiche, falbh, teich thusa gu tìr Iùdah, agus ith aran an sin, agus an sin dèan fàistneachd:

1 Corintianach 12:17

Nam biodh an corp uile na shùil càit am biodh a’ chlaisteachd? Nam biodh e uile na chlaisteachd, càit am biodh an fhàile?

Britheamhan 1:1

A‑nis an dèidh bàs Iosua, dh’fhiosraich clann Israeil den Tighearna, ag ràdh, Cò a thèid suas air ar son an aghaidh nan Canàanach air tùs, a chogadh nan aghaidh?

Britheamhan 18:5

Agus thubhairt iad ris, Iarr comhairle, guidheamaid ort, air Dia, a‑chum gum bi fhios againn an soirbhich leinn nar slighe air a bheil sinn ag imeachd.

1 Samuel 9:10

An sin thubhairt Saul ra òganach, Is math a labhair thu; thig, imicheamaid: agus dh’imich iad don bhaile, far an robh òglach Dhè.