1 Samuel 7:4

Am Bìoball Gàidhlig 1992

An sin chuir clann Israeil air falbh Bàalim agus Astarot, agus rinn iad seirbhis don Tighearna a‑mhàin.

Iomraidhean Croise

1 Rìgh 11:33

A chionn gun do thrèig iad mise, agus gun do shleuchd iad do Astarot, ban-dia nan Sìdonach, do Chemos, dia nam Mòabach, agus do Mhilcom, dia chloinn Amoin, agus nach do ghluais iad ann am shlighean-sa, a dhèanamh an nì a tha ceart am shùilean, agus a ghleidheadh mo reachdan agus mo bhreitheanais mar a rinn Daibhidh a athair.

1 Rìgh 11:5

Oir chaidh Solamh an dèidh Astaroit, ban-dia nan Sìdonach, agus an dèidh Mhilcoim, gràinealachd nan Amonach.

1 Rìgh 8:48

Agus mar seo ma thilleas iad ad ionnsaigh-sa len uile chridhe, agus len uile anam, ann an tìr an naimhdean, a thug leo nam braighdean iad, agus ma nì iad ùrnaigh riutsa rathad an tìre fhèin, a thug thu dan athraichean, rathad a’ bhaile a roghnaich thu, agus an taighe a thog mi dod ainm;

2 Rìgh 23:15

Os bàrr, an altair a bha aig Betel, agus an t‑àit àrd a rinn Ierobòam mac Nebait, a thug air Israel peacachadh, araon an altair agus an t‑àit àrd; agus mhìn-phronn e gu luaithre e, agus loisg e an doire.

Hosèa 14:3

Cha dèan Asur ar tèarnadh; air eich cha dèan sinn marcachd: cha mhò a their sinn tuilleadh ri obair ar làmhan fhèin, Is sibhse ar diathan: oir annadsa gheibh an dìlleachdan tròcair.

Hosèa 14:8

Their Ephraim, Ciod mo gnothach-sa tuilleadh ri iodhalan? Chuala mise e; agus thug mi fa‑near e; is cosmhail mi ri crann uaine giuthais; uamsa tha do thoradh ra fhaotainn.

Britheamhan 2:11

Agus rinn clann Israeil olc ann an sealladh an Tighearna, agus rinn iad seirbhis do Bhàalim.

Britheamhan 2:13

Agus thrèig iad an Tighearna, agus rinn iad seirbhis do Bhàal agus do Astarot.

1 Samuel 7:3

Agus labhair Samuel ri uile thaigh Israeil, ag ràdh, Ma thilleas sibh a dh’ionnsaigh an Tighearna le ur n‑uile chridhe, an sin cuiribh air falbh na diathan coimheach as ur measg, Bàalim agus Astarot: agus ullaichibh ur cridhe a‑chum an Tighearna, agus dèanaibh seirbhis dhàsan a‑mhàin, agus saoraidh e sibh à làimh nam Philisteach.

1 Samuel 7:5

Agus thubhairt Samuel, Cruinnichibh Israel uile gu Mispeh, agus nì mise ùrnaigh air ur son ris an Tighearna.