1 Samuel 7:10

Am Bìoball Gàidhlig 1992

Agus nuair a bha Samuel a’ toirt suas na h‑ìobairt-loisgte, tharraing na Philistich am fagas gu cath an aghaidh Israeil: ach rinn an Tighearna tàirneanach le fuaim mhòir anns an là sin air na Philistich, agus chlaoidh e iad: agus bhuaileadh iad ro Israel.

Iomraidhean Croise

Salm 18:15

Agus chunnacas aigean nan uisgeachan, agus nochdadh bunaitean an domhain led achmhasan, a Thighearna, le sèideadh anail d’fheirge.

Salm 29:3

Tha guth an Tighearna os cionn nan uisgeachan; rinn Dia na glòire tàirneanaich, an Tighearna os cionn nan uisgeachan mòra.

Salm 29:4

Tha guth an Tighearna cumhachdach; tha guth an Tighearna làn mòralachd.

Salm 78:66

Agus bhuail e a naimhdean nan deireadh; thug e masladh bithbhuan dhaibh.

Sechariah 4:6

An sin fhreagair e agus labhair e rium, ag ràdh, Is e seo facal an Tighearna ri Serubabel, ag ràdh, Chan ann le neart, no le cumhachd, ach lem spiorad-sa, deir Tighearna nan sluagh.

Deuteronomi 28:7

Bheir an Tighearna fa‑near gum bi do naimhdean, a dh’èireas suas ad aghaidh, air am bualadh rod ghnùis: thig iad a‑mach ad aghaidh air aon slighe, agus teichidh iad romhad air seachd slighean.

Iosua 10:10

Agus chlaoidh an Tighearna iad ro Israel, agus mharbh e iad le àr mòr aig Gibeon, agus chuir e an ruaig orra rathad uchdach Bhet-horoin, agus bhuail e iad gu Hasecah, agus gu Macedah.

Britheamhan 4:15

Agus sgrios an Tighearna Sisera, agus a charbadan uile, agus a shluagh uile, le faobhar a’ chlaidheimh ro Bharac: agus theirinn Sisera sìos o a charbad, agus theich e as da chois.

Britheamhan 5:20

O nèamh chog na reultan; on slighean àrda chog iad an aghaidh Shisera.

Britheamhan 5:8

Thagh iad diathan nuadha; an sin bha cogadh anns na geatachan: an robh sgiath no sleagh rim faicinn am measg dà‑fhichead mìle ann an Israel?

1 Samuel 12:17

Nach eil foghar a’ chruithneachd ann an‑diugh? Gairmidh mise air an Tighearna, agus cuiridh e a‑nuas tàirneanach agus uisge, a‑chum gun tuig agus gum faic sibh gu bheil ur n‑olc mòr, a rinn sibh ann an sealladh an Tighearna, le rìgh iarraidh dhuibh fhèin.

1 Samuel 14:15

Agus bha ball-chrith anns an fheachd anns a’ mhachair, agus am measg an t‑sluaigh uile: bha crith mar an ceudna air an fhreiceadan agus air an luchd-millidh fhèin, agus chriothnaich an talamh; agus bha i na crith ro‑mhòir.

1 Samuel 2:10

Brisear nam bloighdean eascairdean an Tighearna: as na nèamhan nì e tàirneanach orra: bheir an Tighearna breith air crìochan na talmhainn; agus bheir e neart da rìgh, agus àrdaichidh e adharc a Aoin ungte fhèin.

1 Samuel 7:11

Agus chaidh fir Israeil a‑mach à Mispeh, agus ruaig iad na Philistich, agus bhuail iad iad, gus an tàinig iad fo Bhet-car.