1 Samuel 6:14

Am Bìoball Gàidhlig 1992

Agus thàinig am feun gu achadh Iosua, am Bet-semeseach, agus sheas e an sin, far an robh clach mhòr; agus sgoilt iad fiodh an fheuna, agus thug iad suas na mairt nan ìobairt-loisgte don Tighearna.

Iomraidhean Croise

2 Samuel 24:18

Agus thàinig Gad a dh’ionnsaigh Dhaibhidh air an là sin, agus thubhairt e ris, Gabh suas, tog altair don Tighearna, ann an ùrlar-bualaidh Araunah an t‑Iebusach.

2 Samuel 24:22

Agus thubhairt Araunah ri Daibhidh, Gabhadh agus ìobradh mo thighearna an rìgh an nì sin a bhios math na shùilean: feuch, tha buar an seo a‑chum ìobairt-loisgte, agus innealan-bualaidh, agus acfhainn eile a bhuineas don bhuar airson connaidh.

2 Samuel 24:25

Agus thog Daibhidh an sin altair don Tighearna, agus dh’ìobair e ìobairtean-loisgte, agus ìobairtean-sìth: agus bha an Tighearna rèidh ris an tìr, agus chaisgeadh a phlàigh o Israel.

1 Rìgh 19:21

Agus thill e uaithe, agus ghabh e cuing dhamh, agus mharbh e iad, agus le acfhainn nan damh bhruith e am feòil, agus thug e don t‑sluagh i, agus dh’ith iad. An sin dh’èirich e, agus chaidh e an dèidh Eliah, agus fhritheil e dha.

Ecsodus 20:24

Altair de thalamh nì thu dhòmhsa, agus ìobraidh tu oirre do thabhartasan-loisgte, agus do thabhartasan-sìthe, do chaoraich, agus do dhaimh: anns gach àit anns an toir mise fa‑near gun cuimhnichear m’ainm, thig mi ad ionnsaigh, agus beannaichidh mi thu.

Britheamhan 21:4

Agus air an là màireach dh’èirich an sluagh gu moch, agus thog iad an sin altair, agus dh’ìobair iad ìobairtean-loisgte agus ìobairtean-sìthe.

Britheamhan 6:26

Agus tog altair don Tighearna do Dhia air mullach na carraige seo, ann an òrdagh, agus gabh an dara tarbh, agus thoir suas ìobairt-loisgte le fiodh an doire a ghearras tu sìos.

1 Samuel 11:5

Agus, feuch, thàinig Saul an dèidh a’ bhuair as a’ mhachair; agus thubhairt Saul, Ciod a thàinig air an t‑sluagh, gu bheil iad a’ gul? Agus dh’innis iad dha sgeul dhaoine Iabeis.

1 Samuel 20:29

Agus thubhairt e, Leig air falbh mi, guidheam ort, oir tha ìobairt aig ar teaghlach anns a’ bhaile; agus dh’àithn mo bhràthair dhomh a bhith an sin: agus a‑nis, ma fhuair mi deagh-ghean ad shùilean, leig dhomh imeachd, guidheam ort, agus mo bhràithrean fhaicinn: uime sin cha tàinig e gu bòrd an rìgh.

1 Samuel 6:13

Agus bha muinntir Bhet-semeis a’ buain an cruithneachd anns a’ ghleann; agus thog iad suas an sùilean, agus chunnaic iad an àirc, agus rinn iad gàirdeachas nuair a chunnaic iad i.

1 Samuel 6:18

Agus na luchan òir, a rèir àireamh uile bhailtean nam Philisteach a bhuineadh do na còig tighearnan, araon bhailtean daingnichte agus bhailtean gun bhalla, eadhon gu ruig a’ chlach mhòr, air an do chuir iad sìos àirc an Tighearna, clach a tha an làthair gus an là‑an‑diugh ann an achadh Iosua, am Bet-semeseach.