1 Samuel 4:19

Am Bìoball Gàidhlig 1992

Agus bha a bhan-chliamhainn, bean Phinehais, torrach, dlùth do bhith air a h‑asaid: agus nuair a chuala i an sgeul gun do ghlacadh àirc Dhè, agus gu robh a h‑athair-cèile marbh, agus a fear, chrom i i fhèin, agus rug i mac; oir thàinig a saothair-chloinne oirre.

Iomraidhean Croise

Genesis 3:16

Ris a’ mhnaoi thubhairt e, Meudaichidh mi gu mòr do dhoilgheas agus do thorrachas; am pèin beiridh tu clann, agus rid fhear bidh do thogradh, agus bidh uachdaranachd aige ort.

Genesis 35:17

Agus nuair a bha i ann an cruaidh shaothair, an sin thubhairt a’ bhean-ghlùine rithe, Na biodh eagal ort, oir bidh am mac seo agad cuideachd.

1 Rìgh 14:1

Anns an àm sin bha Abiah, mac Ierobòaim, gu tinn.

Salm 78:64

Thuit an sagartan leis a’ chlaidheamh, agus cha do rinn am bantraichean bròn.

Ieremiah 26:6

An sin nì mise an taigh seo cosmhail ri Siloh, agus nì mi a’ chathair seo na mallachadh do uile chinnich na talmhainn.

1 Samuel 4:18

Agus nuair a dh’ainmich e àirc Dhè, thuit e bhàrr na cathrach an comhair a chùil làimh ris a’ gheata, agus bhriseadh a amhach, agus fhuair e bàs; oir bha e na sheann duine, agus trom. Agus thug e breith air Israel dà‑fhichead bliadhna.

1 Samuel 4:20

Agus mu àm a bàis, thubhairt na mnathan a bha a’ seasamh làimh rithe, Na biodh eagal ort, oir rug thu mac. Ach cha do fhreagair ise, cha mhò a thug i fa‑near e.