1 Samuel 25:3

Am Bìoball Gàidhlig 1992

A‑nis b’e ainm an duine Nàbel, agus ainm a mhnà Abigail; agus bha i na mnaoi aig an robh deagh-thuigse, agus maiseach na dealbh; ach bha an duine iargalta agus olc na ghnìomharan; agus bha e de thaigh Chàleib.

Iomraidhean Croise

Genesis 12:11

Agus nuair a bha e dlùth do dhol a‑steach don Eiphit thubhairt e ri Sàrai a bhean, Feuch a‑nis, tha fhios agam gur bean mhaiseach thusa ri amharc ort:

Salm 10:3

Oir nì an t‑aingidh ràiteachas à miann a chridhe; agus molaidh e an duine sanntach as beag le Dia.

Gnàth-fhacal 14:1

Cuiridh gach bean ghlic a taigh suas; ach leagaidh a’ bhean amaideach sìos e le a làmhan fhèin.

Gnàth-fhacal 19:14

Is iad oighreachd athraichean taigh agus saoibhreas; ach is ann on Tighearna a tha bean chiallach.

Gnàth-fhacal 30:22

Airson seirbhisich nuair a riaghlas e, agus airson amadain nuair a bhios e làn de bhiadh.

Gnàth-fhacal 31:10

Cò a gheibh bean shubhailceach? Oir tha a luach gu mòr os cionn chlach uasal.

Gnàth-fhacal 31:26

Fosglaidh i a beul le gliocas, agus tha lagh a’ choibhneis air a teangaidh.

Iosua 15:13

Agus do Chàleb mac Iephuneh, thug e roinn am measg chloinn Iùdah, a rèir àithne an Tighearna do Iosua, eadhon baile Arbah, athair Anaic: (is e sin Hebron).

1 Samuel 25:17

A‑nis, air an adhbhar sin biodh fhios agad agus smaoinich ciod a nì thu; oir shònraicheadh olc an aghaidh ar maighistir, agus an aghaidh a thaighe uile: agus is mac do Bhelial esan, air chor is nach faod neach labhairt ris.

1 Samuel 25:25

Na tugadh mo thighearna, guidheam ort, fa‑near an duine seo le Belial, eadhon Nàbel; oir a rèir a ainme, mar sin tha e: is e Nàbel a ainm, agus tha amaideachd maille ris: ach chan fhaca mise, do bhanoglach, òganaich mo thighearna, a chuir thu uat.

1 Samuel 25:4

Agus chuala Daibhidh anns an fhàsach gu robh Nàbel a’ lomairt a chaorach.

1 Samuel 30:14

Bhris sinn a‑steach air taobh deas nan Cereteach, agus air a’ chrìch a bhuineas do Iùdah, agus air taobh deas Chàleib, agus loisg sinn Siclag le teine.