1 Samuel 23:1

Am Bìoball Gàidhlig 1992

An sin dh’innis iad do Dhaibhidh, ag ràdh, Feuch, tha na Philistich a’ cogadh an aghaidh Cheilah, agus tha iad a’ creachadh nan ùrlar-bualaidh.

Iomraidhean Croise

Daniel 2:35

An sin bha an t‑iarann, a’ chriadh, an t‑umha, an t‑airgead agus an t‑òr, air am briseadh nam bloighdean le chèile, agus dh’fhàs iad cosmhail ri moll nan ùrlar-bualaidh anns an t‑samhradh, agus thug a’ ghaoth air falbh iad, air chor is nach d’fhuaireadh àite sam bith dhaibh: agus dh’fhàs a’ chlach a bhuail an ìomhaigh na sliabh mòr, agus lìon i an talamh.

Lebhiticus 26:16

Nì mise mar an ceudna seo ribhse; òrdaichidh mi oirbh uamhas, caitheamh agus fiabhras loisgeach, a chaitheas na sùilean, agus a bheir cràdh don chridhe: agus cuiridh sibh ur sìol ann an dìomhanas, oir ithidh ur naimhdean e.

Micah 6:15

Cuiridh tu, ach cha bhuain thu: bruthaidh tu meas a’ chroinn-ola, ach chan ung thu thu fhèin le ola; agus dearcan an fhìon nuaidh, ach chan òl thu fìon.

Deuteronomi 28:33

Toradh d’fhearainn, agus do shaothair uile, ithidh cinneach suas nach b’aithne dhut; agus bidh tu a‑mhàin fo fhòirneart agus air do bhruthadh an còmhnaidh:

Deuteronomi 28:51

Agus ithidh e toradh do sprèidhe, agus toradh d’fhearainn, gus an sgriosar thu: neach nach fàg agad arbhar, fìon, no ola, fàs do chruidh, no treudan do chaorach, gus an cuir e as dhut.

Iosua 15:44

Agus Ceilah, agus Achsib, agus Maresah: naoi bailtean mòra lem bailtean beaga.

Britheamhan 6:11

Agus thàinig aingeal an Tighearna agus shuidh e fo dharaig a bha ann an Ophrah, a bhuin do Iòas an t‑Abiesrach: agus bha a mhac Gideon a’ bualadh arbhair ann an amar-bruthaidh an fhìona, ga fhalach o na Midianaich.

Britheamhan 6:4

Agus champaich iad nan aghaidh, agus mhill iad toradh na talmhainn, gus an tig thu gu Gàsa: agus cha d’fhàg iad teachd-an‑tìr sam bith do Israel, aon chuid caora, no bò, no asal.