1 Samuel 22:6

Am Bìoball Gàidhlig 1992

Agus chuala Saul gum facas Daibhidh agus na daoine a bha maille ris, (a‑nis dh’fhan Saul ann an Gibeah fo chraoibh ann an Ramah, agus a shleagh na làimh, agus a sheirbhisich uile nan seasamh làimh ris,)

Iomraidhean Croise

Genesis 21:33

Agus shuidhich Abrahàm doire chraobh aig Beer-sèba, agus ghairm e an sin air ainm an Tighearna, an Dia sìorraidh.

Britheamhan 4:5

Agus bha i a chòmhnaidh fo chraoibh-phailme Dheborah, eadar Ramah agus Betel, ann an sliabh Ephraim: agus chaidh clann Israeil suas da h‑ionnsaigh airson breitheanais.

1 Samuel 14:2

Agus dh’fhan Saul anns a’ chuid a b’fhaide a‑mach de Ghibeah, fo chraoibh pomgranait a tha ann am Migron: agus bha an sluagh a bha maille ris mu thimcheall sia ceud fear;

1 Samuel 18:10

Agus air an là màireach thàinig an droch spiorad o Dhia air Saul, agus rinn e fàidheadaireachd ann am meadhon an taighe; agus chluich Daibhidh le a làimh, mar air uairean eile: agus bha sleagh ann an làimh Shauil.

1 Samuel 19:9

Agus bha an droch spiorad on Tighearna air Saul nuair a shuidh e na thaigh, agus a shleagh na làimh: agus chluich Daibhidh le a làimh.

1 Samuel 20:33

Agus thilg Saul sleagh air, a‑chum a bhualadh: le sin bha fios aig Ionatan gu robh e suidhichte le a athair Daibhidh a chur gu bàs.

1 Samuel 31:13

Agus ghabh iad an cnàimhean, agus dh’adhlaic iad iad fo chraoibh ann an Iabes, agus thraisg iad seachd làithean.