1 Samuel 20:30

Am Bìoball Gàidhlig 1992

An sin las fearg Shauil an aghaidh Ionatain, agus thubhairt e ris, A mhic na mnà crosda ceannaircich, nach eil fhios agamsa gun do thagh thu mac Iese a‑chum do mhaslaidh fhèin, agus a‑chum masladh lomnochdaidh do mhàthar?

Iomraidhean Croise

Iob 5:2

Oir marbhaidh fearg an t‑amaideach, agus bheir tnù bàs an duine shuaraich.

Gnàth-fhacal 14:29

An tì a tha mall a‑chum feirge, tha e pailt ann an tuigse; ach esan a tha dian na spiorad, àrdaichidh e amaideachd.

Gnàth-fhacal 15:2

Cuiridh teanga nan daoine glice an cèill eòlas gu ceart; ach dòirtidh beul nan amadan a‑mach amaideachd.

Gnàth-fhacal 19:12

Mar bheucaich leòmhainn tha fearg rìgh; ach mar dhrùchd air feur tha a dheagh-ghean.

Gnàth-fhacal 19:19

Fuilingidh fear na feirge mòire peanas; oir ma shaoras tu e, feumaidh tu a dhèanamh a‑rìs.

Gnàth-fhacal 21:24

Fear-magaidh uaibhreach àrdanach is ainm dhàsan a ghiùlaineas e fhèin ann an corraich an uabhair.

Gnàth-fhacal 25:28

Mar mhòr-bhaile briste sìos gun bhalla, tha am fear aig nach eil ceannsal air a spiorad fhèin.

Gnàth-fhacal 27:3

Is trom clach, agus is cudthromach a’ ghaineamh; ach is truime corraich amadain na iad le chèile.

Mata 5:22

Ach tha mise ag ràdh ribh, Ge bè neach aig am bi fearg ra bhràthair gun adhbhar, gum bi e ann an cunnart a’ bhreitheanais: agus ge bè neach a their ra bhràthair, Ràca, gum bi e ann an cunnart na comhairle: ach ge bè neach a their, Amadain, gum bi e ann an cunnart teine ifrinn.

Ephèsianach 4:31

Biodh gach uile sheirbhe, agus corraich, agus fearg, agus gàrrthaich, agus toibheum, air an togail uaibh, maille ris gach uile mhìorun.

Ephèsianach 6:4

Agus athraichean, na brosnaichibh ur clann a‑chum feirge: ach togaibh iad ann an oilean agus ann an teagasg an Tighearna.

1 Samuel 20:29

Agus thubhairt e, Leig air falbh mi, guidheam ort, oir tha ìobairt aig ar teaghlach anns a’ bhaile; agus dh’àithn mo bhràthair dhomh a bhith an sin: agus a‑nis, ma fhuair mi deagh-ghean ad shùilean, leig dhomh imeachd, guidheam ort, agus mo bhràithrean fhaicinn: uime sin cha tàinig e gu bòrd an rìgh.

1 Samuel 20:31

Oir cho fada is a bhios mac Iese beò air an talamh, cha daingnichear thusa no do rìoghachd: uime sin a‑nis cuir fios air, agus thoir am ionnsaigh e, oir gu cinnteach gheibh e bàs.