1 Samuel 20:21

Am Bìoball Gàidhlig 1992

Agus, feuch, cuiridh mi òganach uam, ag ràdh, Falbh, faigh a‑mach na saighdean. Ma their mi gu cinnteach ris an òganach, Feuch, tha na saighdean air an taobh seo dhìot, gabh iad; an sin thig thusa: oir tha sìth ann dhut, agus chan eil olc sam bith, mar as beò an Tighearna.

Iomraidhean Croise

Ieremiah 12:16

Agus tàrlaidh, ma dh’fhòghlaimeas iad da‑rìribh slighean mo shluaigh-sa, gu mionnachadh air m’ainm, mar as beò Iehòbhah, amhail a theagaisg iadsan dom shluagh-sa mionnachadh air Bàal, an sin daingichear iad ann am meadhon mo shluaigh.

Ieremiah 4:2

Ach mionnaichidh tu, Mar as beò an Tighearna, ann am fìrinn, ann am breitheanas, agus ann an ionracas: agus beannaichidh na cinnich iad fhèin annsan, agus annsan nì iad uaill.

Ieremiah 5:2

Ach ged their iad, Mar as beò an Tighearna, gu deimhinn tha iad a’ mionnachadh gu breugach.

Amos 8:14

Iadsan a tha a’ mionnachadh air peacadh Shamaria, agus ag ràdh, Tha do dhia-sa beò, O Dhain, agus tha cùis-adhraidh Bheer-sèba beò; tuitidh eadhon iadsan, agus chan èirich iad suas gu bràth tuilleadh.

1 Samuel 20:20

Agus tilgidh mise trì saighdean ra taobh, mar gun tilginn air comharradh.

1 Samuel 20:22

Ach ma their mi mar seo ris an òganach, Feuch, tha na saighdean air an taobh thall dhìot; imich thusa, oir chuir an Tighearna air falbh thu.

1 Samuel 20:36

Agus thubhairt e ra òganach, Ruith, faigh a‑nis a‑mach na saighdean a thilg mi. Agus nuair a ruith an t‑òganach, thilg e saighead thairis air.