1 Samuel 2:13

Am Bìoball Gàidhlig 1992

Agus b’e gnàth nan sagart leis an t‑sluagh, nuair a dh’ìobradh duine sam bith ìobairt, gun tigeadh òglach an t‑sagairt, nuair a bha an fheòil ga bruith, agus greimiche-feòla thrì meur na làimh;

Iomraidhean Croise

Eseciel 46:20

An sin thubhairt e rium, Seo an t‑àite anns am bruich na sagartan an ìobairt-easaontais, agus an ìobairt-pheacaidh, far am fuin iad an tabhartas-bìdh: a‑chum nach toir iad a‑mach iad gus a’ chùirt a‑muigh, gus an sluagh a naomhachadh.

1 Samuel 2:14

Agus bhuaileadh e anns an aghann e, no anns a’ choire bheag, no anns a’ choire mhòr, no anns a’ phoit; gach nì a bheireadh an greimiche-feòla suas, ghabhadh an sagart air a shon fhèin: mar sin rinn iad ann an Siloh, ris na h‑Israelich uile a thàinig an sin.

1 Samuel 2:22

A‑nis bha Eli ro‑shean, agus chuala e gach nì a rinn a mhic ri Israel uile, agus cionnas a laigh iad leis na mnathan a chruinnich aig doras pàillean a’ choitheanail.

1 Samuel 2:29

Carson a tha sibh a’ dèanamh tàir air m’ìobairt, agus air mo thabhartas a dh’àithn mi ann am àite-còmhnaidh, agus a tha thu a’ toirt urraim dod mhic os mo chionn-sa, gu sibh fhèin a dhèanamh reamhar le rogha uile thabhartasan mo shluaigh Israel?