1 Samuel 2:1

Am Bìoball Gàidhlig 1992

Agus rinn Hanah ùrnaigh, agus thubhairt i, Tha mo chridhe a’ dèanamh gàirdeachais anns an Tighearna; dh’àrdaicheadh m’adharc anns an Tighearna; rinneadh mo bheul farsaing os cionn mo naimhdean, do bhrìgh gu bheil mi aoibhneach ann ad shlàinte-sa.

Iomraidhean Croise

2 Eachdraidh 20:27

An sin thill fir Iùdah agus Ierusaleim uile, agus Iehosaphat air an ceann, a dhol air an ais gu Ierusalem le gàirdeachas; oir thug an Tighearna orra gàirdeachas a dhèanamh os cionn an naimhdean.

Nehemiah 11:17

Agus Mataniah mac Mhicha, mhic Shabdi, mhic Asaiph, an ciad fhear a thòisicheadh air buidheachas a thoirt ann an ùrnaigh; agus Bacbuciah, an dara fear am measg a bhràithrean, agus Abda mac Shamua, mhic Ghalail, mhic Iedutuin.

Iob 16:15

Dh’fhuaigh mi sac-aodach air mo chraiceann, agus shalaich mi m’adharc anns an duslach.

Salm 118:14

Is e an Tighearna mo neart agus mo cheòl, agus is e mo shlàinte.

Salm 13:5

Ach dh’earb mise as do thròcair; nì mo chridhe gàirdeachas ann ad shlàinte.

Salm 148:14

Agus dh’àrdaich e adharc a shluaigh, moladh a naomh uile, eadhon clann Israeil, sluagh a tha am fagas dha. Molaibh-se an Tighearna.

Salm 18:2

Is e an Tighearna mo charraig agus mo dhaingneach agus m’fhear-saoraidh; mo Dhia, mo chreag anns an cuir mi mo dhòchas; mo sgiath agus adharc mo shlàinte, mo thùr àrd.

Salm 20:5

Nì sinne aoibhneas ann ad shlàinte, agus ann an ainm ar Dè‑ne togaidh sinn suas ar bratach. Gun coileanadh Dia d’iarrtasan uile!

Salm 21:2

Miann a chridhe thug thu dha, agus athchuinge a bhilean cha do dhiùlt thu dha. Selah.

Salm 35:9

Ach nì m’anam-sa gàirdeachas anns an Tighearna; nì e aoibhneas na shlàinte.

Salm 51:15

A Thighearna, fosgail mo bhilean, agus cuiridh mo bheul an cèill do chliù.

Salm 71:8

Lìonar mo bheul led mholadh, led urram-sa gach là.

Salm 75:10

Agus sgathaidh mi sìos uile adharcan nan aingidh; àrdaichear adharcan an fhìrein.

Salm 89:17

Oir is tusa glòir an neirt, agus ann ad dheagh-ghean àrdaichear ar n‑adharc.

Salm 89:18

Oir is e an Tighearna ar sgiath, agus Aon naomh Israeil ar Rìgh.

Salm 89:24

Agus bidh m’fhìrinn agus mo thròcair maille ris, agus ann am ainm-sa àrdaichear a adharc-san.

Salm 9:14

A‑chum gum foillsich mi do chliù uile ann an geatachan nighean Shioin: nì mi gàirdeachas ann ad shlàinte.

Salm 92:10

Ach mar adharc buabhaill àrdaichidh tu m’adharc-sa; ungar mi le ola ùir;

Ecsodus 15:1

An sin chan Maois agus clann Israeil an laoidh seo don Tighearna, agus labhair iad ag ràdh, Canaidh mise don Tighearna, oir thug e buaidh gu glòrmhor; an t‑each agus a mharcach thilg e anns an fhairge.

Ecsodus 15:21

Agus fhreagair Miriam iad, Canaibh don Tighearna, oir thug e buaidh gu glòrmhor; an t‑each agus a mharcach thilg e anns an fhairge.

Habacuc 3:1

Ùrnaigh Habacuc am fàidh air Sigionot.

Habacuc 3:18

Gidheadh nì mise gàirdeachas anns an Tighearna, nì mi aoibhneas ann an Dia mo shlàinte.

Lùcas 1:69

Agus gun do thog e suas dhuinne adharc slàinte ann an taigh Dhaibhidh, a òglach fhèin;

Ròmanaich 5:11

Agus chan e a‑mhàin sin, ach tha sinn a’ dèanamh gàirdeachais ann an Dia, tre ar Tighearna Iosa Crìosd, tre an d’fhuair sinn a‑nis an rèite.

Deuteronomi 33:17

Mar chiad-ghin a thairbh tha a sgèimh, agus mar adhaircean nan aon-adharcach tha a adhaircean-san: leo seo purraidh e an sluagh le chèile, gu iomallan na talmhainn: agus is iad seo deich mìltean Ephraim, agus is iad seo mìltean Mhanaseh.

Philipianach 3:3

Oir is sinne an timcheall-ghearradh, a tha a’ dèanamh adhraidh do Dhia anns an Spiorad, agus a’ dèanamh gàirdeachais ann an Iosa Crìosd, agus nach eil a’ cur muinghinn anns an fheòil:

Philipianach 4:4

Dèanaibh gàirdeachas anns an Tighearna a‑ghnàth: a‑rìs tha mi ag ràdh, Dèanaibh gàirdeachas.

Philipianach 4:6

Na biodh ro‑chùram nì sam bith oirbh: ach anns gach uile nì le ùrnaigh agus aslachadh maille ri breith-buidheachais, biodh ur n‑iarrtais air an dèanamh aithnichte do Dhia.

1 Peadar 1:8

Dom bheil sibh a’ toirt gràidh, ged nach faca sibh e; agus ged nach eil sibh a‑nis ga fhaicinn, air dhuibh a bhith a’ creidsinn ann, tha sibh a’ dèanamh mòr-ghàirdeachais le aoibhneas air dol thar labhairt, agus làn de ghlòir:

Taisbeanadh 18:20

Dèan gàirdeachas os a chionn, O nèamh, agus sibhse, abstoil naomha agus fhàidhean: oir dhìol Dia sibhse air.

1 Samuel 1:6

Agus bhrosnaich a h‑eascaraid i mar an ceudna gu feirg, a thoirt oirre gearan a dhèanamh, a chionn gun do dhruid an Tighearna a brù.

1 Samuel 1:7

Agus mar sin rinn e gach bliadhna nuair a thàinig i a‑nìos do thaigh an Tighearna, mar sin bhrosnaich i i. Uime sin ghuil i, agus chan itheadh i.