1 Samuel 19:22

Am Bìoball Gàidhlig 1992

An sin chaidh e fhèin mar an ceudna gu Ramah, agus thàinig e gu tobar mòr a tha ann an Sechu, agus dh’fheòraich e, agus thubhairt e, Càit a bheil Samuel, agus Daibhidh? Agus thubhairt aon, Feuch, tha iad aig Naiot ann an Ramah.

Iomraidhean Croise

1 Samuel 19:18

Agus theich Daibhidh, agus chaidh e as, agus thàinig e a dh’ionnsaigh Shamueil gu Ramah, agus dh’innis e dha gach nì a rinn Saul ris: agus dh’imich esan agus Samuel, agus ghabh iad còmhnaidh ann an Naiot.

1 Samuel 19:21

Agus nuair a dh’innseadh sin do Shaul, chuir e uaithe mar an ceudna teachdairean eile, agus rinn iadsan cuideachd fàidheadaireachd. Agus chuir Saul teachdairean a‑rìs an treas uair, agus rinn iadsan cuideachd fàidheadaireachd.

1 Samuel 19:23

Agus chaidh e an sin gu Naiot ann an Ramah: agus bha spiorad Dhè air-san mar an ceudna, agus chaidh e air aghaidh, agus rinn e fàidheadaireachd, gus an tàinig e gu Naiot ann an Ramah.