1 Samuel 19:10

Am Bìoball Gàidhlig 1992

Agus dh’iarr Saul Daibhidh a bhualadh gu ruig am balla leis an t‑sleagh; ach tharraing e air falbh à làthair Shauil, agus bhuail e an t‑sleagh a‑steach anns a’ bhalla: agus theich Daibhidh, agus chaidh e as air an oidhche sin.

Iomraidhean Croise

Salm 124:7

Chaidh ar n‑anam as mar eun a ribe nan eunadair; bhriseadh an ribe, agus chaidh sinn as.

Salm 18:17

Shaor e mi om nàmhaid làidir, agus uapasan a dh’fhuathaich mi, oir bu treasa iad na mise.

Salm 34:19

Is lìonmhor àmhgharan an fhìrein, ach asda air fad saoraidh an Tighearna e.

Salm 37:32

Bidh an droch dhuine ri faire air an fhìrean, agus iarraidh e a mharbhadh.

Gnàth-fhacal 1:16

Oir tha an casan a’ ruith a‑chum uilc, agus a’ dèanamh deifir a dhòrtadh fala.

Gnàth-fhacal 21:30

Chan eil gliocas, no tuigse, no comhairle ann, an aghaidh an Tighearna.

Isaiah 54:17

Cha soirbhich inneal sam bith a dhealbhar ad aghaidh; agus gach teanga a dh’èireas riut am breitheanas, dìtidh tu. Is i seo oighreachd seirbhisich an Tighearna; agus tha am fìreantachd uamsa, deir an Tighearna.

Hosèa 6:4

Ciod a nì mi riut, O Ephraim? Ciod a nì mi riutsa, O Iùdah? Oir tha ur maitheas mar neul maidne, agus mar an drùchd moch, a shiùbhlas air falbh.

Mata 10:23

Agus nuair a nì iad geur-leanmhainn oirbh anns a’ bhaile seo, teichibh gu baile eile; oir gu deimhinn tha mi ag ràdh ribh nach imich sibh air feadh bhailtean Israeil mun tig Mac an Duine.

Lùcas 4:30

Ach air gabhail dhàsan tro am meadhon, dh’fhalbh e,

Eòin 10:39

Uime sin dh’iarr iad a‑rìs a ghlacadh: ach chaidh e as an làimh.

Eabhraidhich 11:34

A mhùch neart teine, a chaidh as o fhaobhar a’ chlaidheimh, o anfhainneachd a rinneadh neartmhor, a dh’fhàs treun ann an cath, a chuir air theicheadh armailtean nan coimheach.

1 Samuel 18:10

Agus air an là màireach thàinig an droch spiorad o Dhia air Saul, agus rinn e fàidheadaireachd ann am meadhon an taighe; agus chluich Daibhidh le a làimh, mar air uairean eile: agus bha sleagh ann an làimh Shauil.

1 Samuel 18:11

Agus thilg Saul an t‑sleagh, agus thubhairt e, Buailidh mi Daibhidh leatha gu ruig am balla: ach tharraing Daibhidh as a làthair dà uair.

1 Samuel 19:6

Agus dh’èisd Saul ri guth Ionatain; agus mhionnaich Saul, Mar as beò an Tighearna, cha mharbhar e.

1 Samuel 20:33

Agus thilg Saul sleagh air, a‑chum a bhualadh: le sin bha fios aig Ionatan gu robh e suidhichte le a athair Daibhidh a chur gu bàs.