1 Samuel 18:23

Am Bìoball Gàidhlig 1992

Agus labhair seirbhisich Shauil na briathran seo ann an cluasan Dhaibhidh: agus thubhairt Daibhidh, An nì faoin nur sùilean-se a bhith ann an cleamhnas ri rìgh, agus nach eil annamsa ach duine bochd, agus fo dhìmeas?

Iomraidhean Croise

Genesis 29:20

Agus rinn Iàcob seirbhis airson Racheil seachd bliadhna; agus bha iad na shùilean mar bheagan de làithean, a‑thaobh a’ ghràidh a bha aige oirre.

Genesis 34:12

Air a mheud is gun dèan sibh an dubhairidh orm, agus an tìodhlac, bheir mi dhuibh eadhon mar a their sibh rium: a‑mhàin thugaibh dhomh a’ ghruagach mar mhnaoi.

Salm 119:141

Tha mi beag agus suarach; gidheadh cha dìochuimhnich mi do reachdan.

Gnàth-fhacal 14:20

Eadhon le a choimhearsnach fhèin fuathaichear duine bochd; ach is lìonmhor iad leis an ionmhainn an duine saoibhir.

Gnàth-fhacal 29:5

Am fear a nì miodal ra choimhearsnach, sgaoilidh e lìon airson a chas.

1 Eòin 3:1

Feuchaibh, ciod a’ ghnè ghràidh a thug an t‑Athair dhuinne, gun goirte clann Dhè dhinn! Uime sin chan aithne don t‑saoghal sinn, do bhrìgh nach b’aithne dha esan.

1 Samuel 18:18

Agus thubhairt Daibhidh ri Saul, Cò mise, agus ciod i mo bheatha, no teaghlach m’athar ann an Israel, gum bithinn am chliamhainn aig an rìgh?

1 Samuel 18:22

Agus dh’àithn Saul da sheirbhisich, ag ràdh, Labhraibh ri Daibhidh an uaigneas, ag ràdh, Feuch, tha tlachd aig an rìgh annad, agus tha gràdh aig a sheirbhisich uile dhut: a‑nis uime sin bi‑sa ad chliamhainn aig an rìgh.

1 Samuel 18:24

Agus dh’innis seirbhisich Shauil dha, ag ràdh, Air an dòigh seo labhair Daibhidh.

1 Samuel 9:21

Agus fhreagair Saul agus thubhairt e, Nach Beniàmineach mise den treubh as lugha ann an Israel? Agus nach e mo theaghlach as lugha de uile theaghlaichean treubh Bheniàmin? Carson uime sin a tha thu a’ labhairt riumsa air an dòigh seo?