1 Samuel 17:7

Am Bìoball Gàidhlig 1992

Agus bha crann a shleagha mar gharman figheadair; agus bha ann an ceann a shleagha sia ceud secel iarainn; agus bha fear a’ giùlan sgèithe ag imeachd roimhe.

Iomraidhean Croise

2 Samuel 21:16

Agus thubhairt Isbi-benob, a bha de shliochd an fhamhair, (agus aig am b’e cudthrom ceann a shleagha trì cheud secel umha, agus e crioslaichte le crios nodha,) gum marbhadh e Daibhidh.

2 Samuel 21:19

Agus bha a‑rìs cath ann an Gob ris na Philistich: agus bhuail Elhanan, mac Iare-oregim, Lahmi, bràthair Gholiath an Giteach; agus bha crann a shleagha mar gharmain figheadair.

1 Eachdraidh 11:23

Agus mharbh e Eiphiteach, duine de mheudachd mhòir, còig làmhan-coille air àirde; agus ann an làimh an Eiphitich bha sleagh cosmhail ri garman figheadair: ach chaidh esan sìos da ionnsaigh le luirg, agus spìon e an t‑sleagh à làimh an Eiphitich, agus mharbh e le a shleagh fhèin e.

1 Eachdraidh 20:5

Agus bha a‑rìs cogadh ris na Philistich, agus bhuail Elhanan mac Iair Lahmi, bràthair Gholiath an Giteach, aig an robh crann a shleagha mar gharman figheadair.

1 Samuel 17:41

Agus thàinig am Philisteach air aghaidh agus tharraing e am fagas do Dhaibhidh; agus fear-iomchair a sgèithe roimhe.