1 Samuel 16:16

Am Bìoball Gàidhlig 1992

Thugadh a‑nis ar tighearna àithne dod sheirbhisich a tha ann ad fhianais, gun iarr iad a‑mach duine a chluicheas gu h‑ealanta air clàrsaich: agus nuair a bhios an droch spiorad o Dhia ort, an sin cluichidh esan le a làimh, agus bidh tusa gu math.

Iomraidhean Croise

Genesis 41:46

Agus bha Iòseph deich-bliadhna-fichead a dh’aois nuair a sheas e am fianais Phàraoh rìgh na h‑Eiphit: agus chaidh Iòseph a‑mach o làthair Phàraoh, agus chaidh e tro thìr na h‑Eiphit uile.

1 Rìgh 10:8

Is sona do dhaoine, is sona iad seo do sheirbhisich, a sheasas ann ad fhianais an còmhnaidh, ag èisdeachd rid ghliocas.

2 Rìgh 3:15

Ach a‑nis thugaibh am ionnsaigh fear-ciùil. Agus nuair a bha am fear-ciùil a’ cluich, bha làmh an Tighearna air.

1 Samuel 10:5

Na dhèidh sin thig thu gu cnoc Dhè, far a bheil freiceadain nam Philisteach: agus tàrlaidh, nuair a thig thu an sin don bhaile, gun coinnich thu cuideachd fhàidhean a’ teachd a‑nuas on ionad àrd, le saltair, agus tiompan, agus pìob, agus clàrsach romhpa, agus iad ri fàidheadaireachd:

1 Samuel 16:14

Ach dh’fhalbh spiorad an Tighearna o Shaul, agus chuir droch spiorad on Tighearna buaireas air.

1 Samuel 16:15

Agus thubhairt seirbhisich Shauil ris, Feuch a‑nis, tha droch spiorad o Dhia a’ cur buaireis ort.

1 Samuel 16:17

Agus thubhairt Saul ra sheirbhisich, Faighibh a‑nis dhomh duine a chluicheas gu math, agus thugaibh am ionnsaigh e.

1 Samuel 18:10

Agus air an là màireach thàinig an droch spiorad o Dhia air Saul, agus rinn e fàidheadaireachd ann am meadhon an taighe; agus chluich Daibhidh le a làimh, mar air uairean eile: agus bha sleagh ann an làimh Shauil.

1 Samuel 19:9

Agus bha an droch spiorad on Tighearna air Saul nuair a shuidh e na thaigh, agus a shleagh na làimh: agus chluich Daibhidh le a làimh.