1 Samuel 16:14

Am Bìoball Gàidhlig 1992

Ach dh’fhalbh spiorad an Tighearna o Shaul, agus chuir droch spiorad on Tighearna buaireas air.

Iomraidhean Croise

2 Samuel 7:15

Ach chan imich mo thròcair air falbh uaithe, mar a thug mi air falbh i o Shaul, a chuir mi air falbh od fhianais-sa.

1 Rìgh 22:19

Agus thubhairt esan, Uime sin èisd thusa ri facal an Tighearna: Chunnaic mise an Tighearna na shuidhe air a rìgh-chathair, agus uile shlòigh nan nèamh nan seasamh làimh ris, air a làimh dheis agus air a làimh chlì.

1 Rìgh 22:22

Agus thubhairt an Tighearna ris, Cò leis? Agus thubhairt esan, Thèid mi a‑mach, agus bidh mi am spiorad brèige ann am beul a fhàidhean uile. Agus thubhairt e, Cuiridh tu impidh air, agus mar an ceudna buadhaichidh tu: falbh a‑mach, agus dèan mar sin.

Salm 51:11

Na tilg mi od shealladh, agus na toir do spiorad naomh uam.

Hosèa 9:12

Seadh, ged àraich iad an clann, sgriosaidh mise iad o mheasg dhaoine; seadh, is an‑aoibhinn dhaibh, nuair a dh’imicheas mise uapa.

Britheamhan 16:20

Agus thubhairt i, Na Philistich ort, a Shamsoin. Agus mhosgail e as a chadal, agus thubhairt e, Thèid mi a‑mach, mar air uairean eile, agus crathaidh mi mi fhèin: oir cha robh fhios aige gun d’imich an Tighearna uaithe.

Britheamhan 16:29

Agus ghabh Samson greim den dà phost mheadhonach air an robh an taigh na sheasamh, agus ris an robh e an taic, de a h‑aon dhiubh le a làimh dheis, agus den aon eile le a làimh chlì.

Britheamhan 9:23

Agus chuir Dia droch spiorad eadar Abimelech agus maithean Shecheim; agus bhuin maithean Shecheim gu fealltach ri Abimelech:

1 Samuel 11:6

Agus thùirling spiorad Dhè air Saul nuair a chuala e an sgeul sin, agus lasadh a fhearg gu mòr.

1 Samuel 16:15

Agus thubhairt seirbhisich Shauil ris, Feuch a‑nis, tha droch spiorad o Dhia a’ cur buaireis ort.

1 Samuel 16:16

Thugadh a‑nis ar tighearna àithne dod sheirbhisich a tha ann ad fhianais, gun iarr iad a‑mach duine a chluicheas gu h‑ealanta air clàrsaich: agus nuair a bhios an droch spiorad o Dhia ort, an sin cluichidh esan le a làimh, agus bidh tusa gu math.

1 Samuel 16:23

Agus nuair a bha an droch spiorad o Dhia air Saul, an sin ghabh Daibhidh clàrsach, agus chluich e le a làimh: agus bha fois aig Saul, agus bha e gu math; oir dh’fhalbh an droch spiorad uaithe.

1 Samuel 18:10

Agus air an là màireach thàinig an droch spiorad o Dhia air Saul, agus rinn e fàidheadaireachd ann am meadhon an taighe; agus chluich Daibhidh le a làimh, mar air uairean eile: agus bha sleagh ann an làimh Shauil.

1 Samuel 18:12

Agus bha eagal air Saul ro Dhaibhidh, do bhrìgh gu robh an Tighearna maille ris, agus gun d’imich e o Shaul.

1 Samuel 28:15

Agus thubhairt Samuel ri Saul, Carson a chuir thu dragh orm lem thoirt a‑nìos? Agus fhreagair Saul, Tha mi ann an teanntachd mhòir; oir tha na Philistich a’ cogadh am aghaidh, agus dhealaich Dia rium, agus chan eil e a’ toirt freagraidh dhomh nas mò, aon chuid le fàidhean no le aislingean: uime sin ghairm mi ortsa gu fios a thoirt dhomh ciod a nì mi.