1 Samuel 14:33

Am Bìoball Gàidhlig 1992

Agus dh’innis iad do Shaul, ag ràdh, Feuch, tha an sluagh a’ peacachadh an aghaidh an Tighearna, le ithe maille ris an fhuil. Agus thubhairt esan, Pheacaich sibh: caraichibh am ionnsaigh an‑diugh clach mhòr.

Iomraidhean Croise

Genesis 9:4

Ach feòil maille ra beatha, eadhon a fuil, chan ith sibh.

Lebhiticus 17:10

Agus ge bè duine de thaigh Israeil no de na coigrich a tha air chuairt nur measg, a dh’itheas gnè sam bith fala; cuiridh mise mo ghnùis an aghaidh an anama sin a dh’itheas fuil, agus gearraidh mi as e o mheasg a shluaigh.

Lebhiticus 19:26

Chan ith sibh nì sam bith leis an fhuil: cha mhò a ghnàthaicheas sibh draoidheachd, no a nì sibh fiosachd.

Lebhiticus 7:26

Agus chan ith sibh gnè sam bith fala, mas ann de eòin no de ainmhidh, ann an aon air bith de ur n‑àiteachan-còmhnaidh.

Lebhiticus 7:27

Gach anam a dh’itheas gnè sam bith fala, gearrar eadhon an t‑anam sin as o a shluagh.

Mata 7:5

A chealgair, buin air tùs an t‑sail as do shùil fhèin; agus an sin is lèir dhut gu math an smùirnean a bhuntainn à sùil do bhràthar.

Gnìomharan 15:20

Ach gun sgrìobh sinn dan ionnsaigh, iad a sheachnadh truaillidheachd iodhalan, agus strìopachais, agus nì tachdte, agus fala.

Ròmanaich 2:1

Uime sin tha thu gun leisgeul, O dhuine, cò air bith thu a tha a’ toirt breith: oir nuair a tha thu a’ toirt breith air neach eile, tha thu gad dhìteadh fhèin; oir thusa a tha a’ toirt breith, tha thu a’ dèanamh nan nithean sin fhèin.

Deuteronomi 12:16

A‑mhàin chan ith sibh an fhuil; air an talamh dòirtidh sibh i mar uisge.

Deuteronomi 12:23

A‑mhàin thoir an ro‑aire nach ith thu an fhuil: oir is i an fhuil a’ bheatha; agus chan fhaod thu a’ bheatha ithe maille ris an fheòil.

Deuteronomi 15:23

A‑mhàin a fhuil chan ith thu: air an talamh dòirtidh tu i mar uisge.

1 Samuel 14:34

Agus thubhairt Saul, Sgaoilibh sibh fhèin am measg an t‑sluaigh, agus abraibh riu, Thugaibh am ionnsaigh an seo gach duine a dhamh, agus gach duine a chaora, agus marbhaibh iad an seo agus ithibh; agus na peacaichibh an aghaidh an Tighearna le ithe maille ris an fhuil. Agus thug an sluagh uile gach duine a dhamh leis air an oidhche sin, agus mharbh iad an sin iad.