1 Samuel 12:9

Am Bìoball Gàidhlig 1992

Agus nuair a dhìochuimhnich iad an Tighearna an Dia, thug e thairis iad do làimh Shisera, ceannard armailt Hasoir, agus do làimh nam Philisteach, agus do làimh rìgh Mhòaib; agus chog iad nan aghaidh.

Iomraidhean Croise

2 Samuel 7:11

Agus on àm anns an d’àithn mi britheamhan a bhith os cionn mo shluaigh Israel: agus bheir mi dhut fois od naimhdean gu lèir. Mar an ceudna tha an Tighearna ag innse dhut gun dèan an Tighearna taigh dhut.

Salm 106:21

Dhìochuimhnich iad Dia am fear-saoraidh, a rinn nithean mòra anns an Eiphit,

Isaiah 63:10

Ach rinn iadsan ceannairc, agus chuir iad doilgheas air a Spiorad naomh; air chor is gun d’fhàs e na nàmhaid dhaibh, agus chog e fhèin nan aghaidh.

Ieremiah 2:32

Am faod òg‑bhean a h‑usgraichean a dhearmad? No bean-bainnse a culaidh? Gidheadh dhearmaid mo shluagh mise làithean gun àireamh.

Deuteronomi 32:18

Air a’ charraig a ghin thu tha thu mì‑chuimhneachail, agus tha thu dearmadach air an Dia a dhealbh thu.

Deuteronomi 32:30

Cionnas a chuireadh a h‑aon ruaig air mìle, agus a chuireadh dithis deich mìle air theicheadh, mura biodh an carraig air an reiceadh, agus mura biodh an Tighearna air an druideadh suas?

Britheamhan 10:7

Agus las fearg an Tighearna an aghaidh Israeil, agus thug e thairis iad do làimh nam Philisteach, agus do làimh chloinn Amoin.

Britheamhan 13:1

Agus rinn clann Israeil olc a‑rìs ann an sùilean an Tighearna; agus thug an Tighearna thairis iad do làimh nam Philisteach dà‑fhichead bliadhna.

Britheamhan 2:14

Agus las corraich an Tighearna an aghaidh Israeil, agus thug e thairis iad do làimh chreachadairean a chreach iad, agus reic e iad do làimh an naimhdean mun cuairt, air chor is nach b’urrainn iad na b’fhaide seasamh an làthair an naimhdean.

Britheamhan 3:12

Agus rinn clann Israeil olc a‑rìs ann an sùilean an Tighearna: agus neartaich an Tighearna Eglon rìgh Mhòaib an aghaidh Israeil, a chionn gun do rinn iad olc ann an sùilean an Tighearna.

Britheamhan 3:31

Agus na dhèidh-san bha Samgar mac Anait, a mharbh de na Philistich sia ceud fear le luirg-iomain dhamh: agus shaor esan Israel mar an ceudna.

Britheamhan 4:2

Agus reic an Tighearna iad do làimh Iabin rìgh Chanàain, a rìghich ann an Hasor; agus b’e ceannard a shluaigh Sisera, a bha a chòmhnaidh ann an Haroset nan cinneach.

1 Samuel 12:15

Ach mura èisd sibh ri guth an Tighearna, agus gun dèan sibh ceannairc an aghaidh àithne an Tighearna, an sin bidh làmh an Tighearna nur n‑aghaidh-se, mar a bha i an aghaidh ur n‑athraichean.