1 Samuel 12:8

Am Bìoball Gàidhlig 1992

Nuair a thàinig Iàcob a‑steach don Eiphit, agus a ghlaodh ur n‑athraichean ris an Tighearna, an sin chuir an Tighearna dan ionnsaigh Maois agus Aaron, a thug ur n‑athraichean a‑mach as an Eiphit, agus a thug orra còmhnaidh a ghabhail anns an àite seo.

Iomraidhean Croise

Salm 105:44

Agus thug e dhaibh fearann nan cinneach, agus shealbhaich iad saothair nan sluagh;

Ecsodus 12:51

Agus, air an là sin fhèin, thug an Tighearna a‑mach clann Israeil à tìr na h‑Eiphit, a rèir an slògh.

Ecsodus 6:26

Is iad seo an t‑Aaron agus am Maois ud, ris an dubhairt an Tighearna, Thugaibh a‑mach clann Israeil à tìr h‑Eiphit, a rèir an slògh.

Àireamh 20:15

Mar a chaidh ar n‑athraichean sìos don Eiphit, agus a ghabh sinn còmhnaidh anns an Eiphit aimsir fhada; agus bhuin na h‑Eiphitich gu h‑olc rinne, agus ri ar n‑athraichean.

Gnìomharan 7:15

Agus chaidh Iàcob sìos don Eiphit, agus fhuair e bàs, e fhèin agus ar n‑athraichean.

Iosua 1:6

Bi làidir, agus ro‑mhisneachail; oir don t‑sluagh seo roinnidh tu mar oighreachd an tìr a mhionnaich mi dan athraichean a thabhairt dhaibh.

Iosua 21:43

Agus thug an Tighearna do Israel am fearann uile a mhionnaich e a thoirt dan athraichean; agus shealbhaich iad e, agus ghabh iad còmhnaidh ann.

1 Samuel 10:18

Agus thubhairt e ri cloinn Israeil, Mar seo tha an Tighearna Dia Israeil ag ràdh, Thug mi a‑nìos Israel as an Eiphit, agus shaor mi sibh à làimh nan Eiphiteach, agus à làimh nan rìoghachdan uile, a bha a’ dèanamh ainneirt oirbh:

1 Samuel 12:6

Agus thubhairt Samuel ris an t‑sluagh, Is e an Tighearna a thog suas Maois agus Aaron, agus a thug ur n‑athraichean a‑nìos à tìr na h‑Eiphit.