1 Samuel 11:8

Am Bìoball Gàidhlig 1992

Agus nuair a chaidh an àireamh leis ann am Besec, bha ann de chloinn Israeil trì cheud mìle, agus de fhir Iùdah deich-mìle-fichead.

Iomraidhean Croise

2 Samuel 24:9

Agus thug Ioab suas làn àireamh an t‑sluaigh don rìgh: agus bha ann de Israel ochd ceud mìle fear gaisgeil a tharraing claidheamh, agus de fhir Iùdah còig ceud mìle fear.

2 Rìgh 3:6

Agus chaidh rìgh Iehoram a‑mach air an là sin à Samaria, agus dh’àireamh e Israel uile.

Britheamhan 20:2

Agus nochd prìomh-dhaoine an t‑sluaigh uile, eadhon treubhan Israeil uile, iad fhèin ann an coitheanal sluagh Dhè, ceithir cheud mìle coisiche a tharraing claidheamh.

1 Samuel 11:9

Agus thubhairt iad ris na teachdairean a thàinig, Mar seo their sibh ri fir Iabeis-ghilead, A‑màireach, nuair a dh’fhàsas a’ ghrian teth, bidh cobhair agaibh. Agus thàinig na teachdairean, agus dh’innis iad sin do fhir Iabeis; agus bha aoibhneas orra.

1 Samuel 13:15

Agus dh’èirich Samuel, agus chaidh e suas o Ghilgal gu Gibeah Bheniàmin: agus ghabh Saul àireamh an t‑sluaigh a bha an làthair maille ris, mu thimcheall sia ceud fear.

1 Samuel 15:4

Agus chruinnich Saul an sluagh an ceann a chèile, agus dh’àireamh e iad ann an Telaim, dà cheud mìle coisiche, agus deich mìle fear de Iùdah.