1 Samuel 11:7

Am Bìoball Gàidhlig 1992

Agus ghabh e cuing dhamh, agus gheàrr e sìos nam mìrean iad, agus chuir e iad air feadh uile chrìochan Israeil le làimh theachdairean, ag ràdh, Ge bè nach tig a‑mach an dèidh Shauil agus an dèidh Shamueil, mar seo nìthear ra dhaimh: agus thuit eagal an Tighearna air an t‑sluagh, agus thàinig iad a‑mach mar aon duine.

Iomraidhean Croise

Genesis 35:5

Agus dh’imich iad: agus bha eagal Dhè air na bailtean a bha mun cuairt orra, agus cha do rinn iad tòireachd air mic Iàcoib.

2 Eachdraidh 14:14

Agus bhuail iad na bailtean uile mun cuairt air Gèrar, oir bha eagal an Tighearna orra; agus chreach iad na bailtean uile, oir bha mòran creiche annta.

2 Eachdraidh 17:10

Agus bha eagal an Tighearna air uile rìoghachdan nan tìrean a bha mun cuairt air Iùdah, agus cha do chog iad ri Iehosaphat.

2 Eachdraidh 19:7

A‑nis, matà, biodh eagal an Tighearna oirbh: thugaibh an aire agus bithibh a’ dèanamh; oir maille ris an Tighearna ar Dia chan eil euceart, no bàidh ri neach seach a chèile, no gabhail duaise.

Isaiah 8:13

Tighearna nan sluagh, naomhaichibh esan fhèin; agus biodh esan dhuibh na chùis-eagail, agus biodh esan dhuibh na adhbhar ball-chrith.

Britheamhan 19:29

Agus nuair a thàinig e da thaigh, ghabh e sgian, agus rug e air a choileabach, agus roinn e i, maille ra cnàmhan, na dà‑mhìr-dheug, agus chuir e i gu uile chrìochan Israeil.

Britheamhan 20:1

An sin chaidh clann Israeil uile a‑mach, agus chruinnicheadh an coitheanal ri chèile mar aon duine, o Dhan gu Beersèba, agus o thìr Ghilead, a dh’ionnsaigh an Tighearna gu Mispeh.