1 Samuel 10:5

Am Bìoball Gàidhlig 1992

Na dhèidh sin thig thu gu cnoc Dhè, far a bheil freiceadain nam Philisteach: agus tàrlaidh, nuair a thig thu an sin don bhaile, gun coinnich thu cuideachd fhàidhean a’ teachd a‑nuas on ionad àrd, le saltair, agus tiompan, agus pìob, agus clàrsach romhpa, agus iad ri fàidheadaireachd:

Iomraidhean Croise

1 Rìgh 18:29

Agus nuair a chaidh meadhon-là thairis, agus a rinn iad fàidheadaireachd gu àm toirt suas na h‑ìobairt fheasgair, cha robh guth ann, no aon air bith a fhreagradh, no a bheireadh fa‑near iad.

2 Rìgh 2:15

Agus nuair a chunnaic mic nam fàidh e, a bha ann an Iericho fa chomhair, thubhairt iad, Dh’fhan spiorad Eliah air Elisa. Agus thàinig iad na choinneamh, agus chrom iad iad fhèin dha gu làr.

2 Rìgh 2:3

Agus thàinig mic nam fàidh a bha ann am Betel a‑mach gu Elisa, agus thubhairt iad ris, A bheil fhios agad gun toir an Tighearna an‑diugh do mhaighistir air falbh od cheann? Agus thubhairt esan, Seadh, tha fhios agam air; bithibh-se nur tosd.

2 Rìgh 2:5

Agus thàinig mic nam fàidh a bha ann an Iericho gu Elisa, agus thubhairt iad ris, Nach eil fhios agadsa gun toir an Tighearna an‑diugh do mhaighistir air falbh od cheann? Agus fhreagair esan, Seadh, tha fhios agam air; bithibh-se nur tosd.

2 Rìgh 2:7

Agus chaidh lethcheud fear de mhic nam fàidh, agus sheas iad fan comhair fad as: agus sheas iadsan nan dithis làimh ri Iòrdan.

2 Rìgh 3:15

Ach a‑nis thugaibh am ionnsaigh fear-ciùil. Agus nuair a bha am fear-ciùil a’ cluich, bha làmh an Tighearna air.

2 Rìgh 4:38

Agus thill Elisa gu Gilgal; agus bha gorta anns an tìr, agus bha mic nam fàidh nan suidhe fa chomhair: agus thubhairt e ra òglach, Cuir air a’ phoit mhòr, agus bruith brochan do mhic nam fàidh.

2 Rìgh 6:1

Agus thubhairt mic nam fàidh ri Elisa, Feuch a‑nis, tha an t‑àit anns a bheil sinn a chòmhnaidh maille riut ro‑chumhang air ar son.

1 Eachdraidh 11:16

Agus bha Daibhidh an sin anns an daingneach; agus bha freiceadan nam Philisteach an sin ann am Betlehem.

1 Eachdraidh 13:8

Agus chluich Daibhidh agus Israel uile am fianais Dhè len uile neart, eadhon le laoidhean, agus le clàrsaichean, agus le saltairean, agus le tiompanan, agus le ciombalan, agus le trompaidean.

1 Eachdraidh 16:42

Eadhon maille riùsan Heman agus Iedutun le trompaidean, agus le ciombalan, a’ dèanamh fuaim, agus le innealan-ciùil Dhè: agus bha mic Iedutuin nan dorsairean.

1 Eachdraidh 16:5

Aspah an ceann, agus na dhèidh-san Sechariah, an sin Ieiel, agus Semiramot, agus Ieheil, agus Matitiah, agus Eliab, agus Benaiah, agus Obed-edom; agus Ieiel le saltairean agus clàrsaichean; agus Asaph le ciombalan a’ dèanamh fuaim:

Salm 49:4

Aomaidh mi gu cosamhlachd mo chluas; nochdaidh mi air a’ chlàrsaich mo ràdh dorcha.

Salm 92:3

Air inneal-ciùil nan deich teud agus air an t‑saltair, air a’ chlàrsaich le fuaim fhonnmhoir àird.

1 Corintianach 14:1

Leanaibh gràdh, agus biodh mòr-mhiann tìodhlacan spioradail oirbh, ach gum bu mhò ur togradh gun dèanadh sibh fàidheadaireachd.

1 Samuel 10:10

Agus thàinig e o sin don chnoc; agus, feuch, choinnich cuideachd fhàidhean e; agus thùirling spiorad Dhè air, agus rinn e fàidheadaireachd nam measg.

1 Samuel 10:4

Agus cuiridh iad fàilte ort, agus bheir iad dhut dà bhuileann arain, agus gabhaidh tu as an làimh iad.

1 Samuel 13:2

An sin thagh Saul dha fhèin trì mìle fear de Israel, den robh dà mhìle maille ri Saul ann am Michmas, agus ann an sliabh Bheteil, agus bha mìle maille ri Ionatan ann an Gibeah Bheniàmin: agus a’ chuid eile den t‑sluagh chuir e gach duine dhiubh a dh’ionnsaigh a bhùtha.

1 Samuel 13:3

Agus bhuail Ionatan freiceadan nam Philisteach a bha ann an Geba; agus chuala na Philistich sin: agus shèid Saul an trompaid air feadh na tìre uile, ag ràdh, Cluinneadh na h‑Eabhraidhich.

1 Samuel 19:20

Agus chuir Saul teachdairean a ghlacadh Dhaibhidh: agus nuair a chunnaic iad cuideachd nam fàidhean ri fàidheadaireachd, agus Samuel na sheasamh mar air a shuidheachadh os an cionn, bha spiorad Dhè air teachdairean Shauil, agus rinn iadsan fàidheadaireachd mar an ceudna.

1 Samuel 9:12

Agus fhreagair iadsan iad, agus thubhairt iad, Tha; feuch, tha e romhaibh: dèanaibh cabhag a‑nis, oir an‑diugh tha e air teachd don bhaile, oir tha ìobairt aig an t‑sluagh an‑diugh anns an ionad àrd.