1 Samuel 1:14

Am Bìoball Gàidhlig 1992

Agus thubhairt Eli rithe, Cia fhada a bhios tu air mhisg? Cuir air falbh d’fhìon uat.

Iomraidhean Croise

Iob 11:14

Ma bhios euceart ad làimh, cuir fada uat i, agus na leig le aingidheachd còmhnachadh ad phàilleanan.

Iob 22:23

Ma thilleas tu a dh’ionnsaigh an Uile-chumhachdaich, togar suas thu; cuiridh tu euceart am fad od phàilleanan.

Iob 8:2

Cia fhad a labhras tu mar sin, agus a bhios briathran do bheòil mar ghaoith làidir?

Salm 62:3

Cia fhad a dhealbhas sibh aimhleas an aghaidh duine? Marbhar sibh uile; mar bhalla ag aomadh, mar ghàrradh air chrith bidh sibh.

Gnàth-fhacal 4:24

Cuir uat am beul fiar, agus na bilean beumnach cuir fada uat.

Gnàth-fhacal 6:9

Cia fhad a chaidleas tu, a leisgein? Cuin a dh’èireas tu as do chadal?

Gnìomharan 2:13

Ach thubhairt dream eile a’ fanaid, Tha na daoine seo làn de fhìon ùr.

Gnìomharan 2:4

Agus lìonadh iad uile leis an Spiorad Naomh, agus thòisich iad air labhairt le teangaidhean eile, a rèir mar a thug an Spiorad comas labhairt dhaibh.

Ephèsianach 4:25

Uime sin, air dhuibh a’ bhreug a chur uaibh, labhraibh an fhìrinn, gach neach ra choimhearsnach: oir is buill sinn de a chèile.

Ephèsianach 4:31

Biodh gach uile sheirbhe, agus corraich, agus fearg, agus gàrrthaich, agus toibheum, air an togail uaibh, maille ris gach uile mhìorun.