1 Peadar 3:10

Am Bìoball Gàidhlig 1992

Oir ge bè lem b’àill beatha a ghràdhachadh, agus làithean matha fhaicinn, cumadh e a theanga o olc, agus a bhilean o labhairt ceilg;

Iomraidhean Croise

Iob 2:4

Agus fhreagair Sàtan an Tighearna, agus thubhairt e, Craiceann airson craicinn, eadhon gach nì a tha aig duine bheir e airson a anama.

Iob 33:28

Saoraidh e a anam o dhol sìos don t‑sloc, agus chì a bheatha solas.

Iob 9:25

Bha mo làithean na bu luaithe na gille-ruith: theich iad air falbh, chan fhaca iad math.

Salm 106:5

A‑chum gum faic sinn math do dhaoine taghte, a‑chum gun dèan sinn aoibhneas ann an aoibhneas do chinnich, a‑chum gun dèan sinn uaill led oighreachd-sa.

Salm 27:13

Gidheadh chreid mise gum faicinn maitheas an Tighearna ann an tìr nam beò.

Salm 49:19

Thèid e gu àl a shinnsear; gu bràth chan fhaic iadsan solas.

Gnàth-fhacal 3:18

Is craobh beatha i dhaibhsan a nì greim oirre, agus is sona iadsan a ghleidheas i.

Gnàth-fhacal 3:2

Oir làithean buan, agus saoghal fada, agus sìth bheir iad dhut.

Gnàth-fhacal 4:22

Oir is beatha iad dhaibhsan a gheibh iad, agus ìocshlaint dam feòil uile.

Gnàth-fhacal 8:35

Oir esan a gheibh mise, gheibh e beatha, agus gheibh e deagh-ghean on Tighearna.

Eclesiastes 2:3

Dh’iarr mi ann am chridhe mi fhèin a thabhairt do fhìon (gidheadh a’ seòladh mo chridhe ann an gliocas), agus greim a ghabhail air amaideachd, gus am faicinn ciod e am math sin do chloinn nan daoine, a bu chòir dhaibh a dhèanamh fo nèamh air feadh uile làithean am beatha.

Mata 19:17

Agus thubhairt esan ris, Carson a ghoireadh tu math dhìomsa? Chan eil aon neach math ach a h‑aon, eadhon Dia: ach mas àill leat dol a‑steach a‑chum na beatha, coimhead na h‑àitheantan.

Marcus 8:35

Oir ge bè neach leis an àill a anam fhèin a choimhead, caillidh e e; ach ge bè neach a chailleas a anam air mo shon-sa, agus airson an t‑soisgeil, coimheadaidh esan e.

Eòin 1:47

Chunnaic Iosa Natànael a’ teachd da ionnsaigh, agus thubhairt e uime, Feuch Israeleach da‑rìribh, anns nach eil cealg!

Eòin 12:25

Esan a ghràdhaicheas a anam; caillidh e e; agus esan a dh’fhuathaicheas a anam anns an t‑saoghal seo, gleidhidh e e a‑chum na beatha maireannaich.

Deuteronomi 32:47

Oir cha nì dìomhain e dhuibh, a chionn gur e ur beatha e; agus leis an nì seo buanaichidh sibh ur làithean anns an fhearann a tha sibh a’ dol a‑null thar Iòrdan ga shealbhachadh.

Seumas 1:26

Ma shaoileas neach air bith nur measg gu bheil e diadhaidh, gun a bhith a’ cur srèin ra theangaidh, ach a’ mealladh a chridhe fhèin, is dìomhain diadhachd an duine seo.

1 Peadar 2:1

Uime sin a’ cur uaibh gach uile mhìoruin, agus gach uile mhealltaireachd, agus chealg, agus fharmad, agus gach uile ana-cainnt,

1 Peadar 2:22

Neach nach do rinn peacadh, cha mhò a fhuaireadh cealg na bheul:

Taisbeanadh 14:5

Agus nam beul cha d’fhuaireadh cealg; oir tha iad gun lochd an làthair rìgh-chathair Dhè.