1 Eachdraidh 9:2

Am Bìoball Gàidhlig 1992

Agus b’iad an ciad luchd-àiteachaidh a ghabh còmhnaidh nan sealbh nam bailtean, na h‑Israelich, na sagartan, na Lèbhithich, agus na Netinich.

Iomraidhean Croise

Esra 2:1

Agus is iad seo clann na mòr-roinne, a chaidh suas de na braighdean, dhiubhsan a thugadh air falbh, a thug Nebuchadnesar rìgh Bhàbiloin air falbh leis do Bhàbiloin, agus a thill gu Ierusalem agus Iùdah, gach fear da bhaile fhèin;

Esra 2:43

Na Netinich: Mic Shiha, mic Hasupha, mic Thabaoit.

Esra 2:58

Na Netinich uile, agus clann seirbhisich Sholaimh, trì cheud, ceithir-fichead, agus a dhà-dheug.

Esra 2:70

Agus ghabh na sagartan agus na Lèbhithich, agus cuid den t‑sluagh, agus an luchd-seinn, agus na dorsairean, agus na Netinich, còmhnaidh nam bailtean, agus Israeil uile nam bailtean.

Esra 8:20

Agus de na Netinich a dh’òrdaich Daibhidh agus na h‑uachdarain airson seirbhis nan Lèbhitheach, dà cheud, agus fichead Netineach: ghoireadh iad uile air an ainm.

Nehemiah 10:29

Dhlùth-lean iad rim bràithrean, an àrd-uaislean, agus chaidh iad fo mhallachadh, agus fo mhionnan, gluasad ann an lagh Dhè, a thugadh seachad le làimh Mhaois, òglach Dhè, agus a choimhead agus a dhèanamh uile àitheantan Iehòbhah ar Tighearna, agus a bhreitheanas, agus a reachdan:

Nehemiah 11:1

Agus chòmhnaich uachdarain an t‑sluaigh ann an Ierusalem; agus thilg a’ chuid eile den t‑sluagh croinn, a thoirt aoin as an deichnear a ghabhail còmhnaidh ann an Ierusalem, am baile naomh, agus gum biodh naoi earrannan anns na bailtean eile.

Nehemiah 7:60

Na Netinich uile, agus clann seirbhisich Sholaimh, trì cheud, ceithir-fichead agus a dhà-dheug.

Nehemiah 7:73

Agus ghabh na sagartan, agus na Lèbhithich, agus na dorsairean, agus an luchd-seinn, agus cuid den t‑sluagh, agus na Netinich, agus Israel uile, còmhnaidh nam bailtean; agus nuair a thàinig an seachdamh mìos, bha clann Israeil nam bailtean.