1 Eachdraidh 4:41

Am Bìoball Gàidhlig 1992

Agus thàinig iadsan a tha sgrìobhte air an ainm, ann an làithean Heseciah rìgh Iùdah, agus bhuail iad am bùthan, agus na h‑ionadan-còmhnaidh a fhuaireadh an sin, agus chuir iad as dhaibh gu tur gus an là‑an‑diugh, agus ghabh iad còmhnaidh nan àite; a chionn gu robh ionaltradh an sin dan treudan.

Iomraidhean Croise

1 Eachdraidh 3:13

Ahas a mhac-san, Heseciah a mhac-san, Manaseh a mhac-san,

1 Eachdraidh 4:33

Agus am frith-bhailtean uile a bha mun cuairt air na mòr-bhailtean sin gu ruig Bàal. B’iad sin an ionad-tàimh, agus an sloinnteireachd.

1 Eachdraidh 5:22

Oir thuit mòran sìos air am marbhadh, a chionn gu robh an cogadh o Dhia. Agus ghabh iad còmhnaidh nan àite gu ruig am braighdeanas.

2 Eachdraidh 14:15

Agus bhuail iad mar an ceudna bùthan na sprèidhe, agus thug iad leo caoraich ann am pailteas, agus càmhail; agus thill iad gu Ierusalem.

2 Eachdraidh 20:1

Agus an dèidh nan nithean seo thàinig clann Mhòaib, agus clann Amoin, agus maille riu cuid de na h‑Edomaich, an aghaidh Iehosaphait gu cath.

2 Eachdraidh 26:7

Agus chuidich Dia leis an aghaidh nam Philisteach, agus an aghaidh nan Arabach a bha nan còmhnaidh ann an Gur-bàal, agus nan Amonach.

Ieremiah 49:20

Air an adhbhar sin èisdibh rùn an Tighearna, a rùnaich e an aghaidh Edoim, agus a smuaintean a smaoinich e an aghaidh luchd-àiteachaidh Themain: gu deimhinn spìonar air falbh àlach an treud, gu deimhinn nìthear lèirsgrios os an cionn den àite-còmhnaidh.

Gnìomharan 17:26

Agus rinn e a dh’aon fhuil uile chinnich dhaoine, a‑chum iad a ghabhail còmhnaidh air aghaidh na talmhainn uile, agus shònraich e na h‑àmannan ro‑òrdaichte, agus crìochan an àite-còmhnaidh;

Britheamhan 10:12

Rinn mar an ceudna na Sìdonaich, agus na h‑Amalecich, agus na Maonaich fòirneart oirbh, agus ghlaodh sibh riumsa, agus shaor mi sibh as an làimh.