1 Eachdraidh 3:15

Am Bìoball Gàidhlig 1992

Agus b’iad mic Iosiah: an ciad-ghin Iohanan, an dara mac Iehoiacim, an treas mac Sedeciah, an ceathramh Salum.

Iomraidhean Croise

2 Rìgh 23:31

Trì-bliadhna-fichead a dh’aois bha Iehoahas nuair a thòisich e air rìoghachadh; agus rìghich e trì mìosan ann an Ierusalem: agus b’e ainm a mhàthar Hamutal, nighean Ieremiah o Libnah.

2 Rìgh 23:34

Agus rinn Phàraoh-necho Eliacim mac Iosiah na rìgh an àite Iosiah a athair agus thionndaidh e a ainm gu Iehoiacim, agus thug e air falbh Iehoahas; agus thàinig e don Eiphit, agus dh’eug e an sin.

2 Rìgh 24:17

Agus rinn rìgh Bhàbiloin Mataniah bràthair a athar na rìgh na àite, agus thionndaidh e a ainm gu Sedeciah.

1 Eachdraidh 3:14

Amon a mhac-san, Iosiah a mhac-san.

1 Eachdraidh 3:16

Agus mic Iehoiacim: Ieconiah a mhac, Sedeciah a mhac.

2 Eachdraidh 36:1

Agus ghabh sluagh na tìre Iehoahas mac Iosiah, agus rinn iad na rìgh e an àit a athar ann an Ierusalem.

2 Eachdraidh 36:10

Agus aig ceann na bliadhna chuir rìgh Nebuchadnesar daoine uaithe, agus thug e do Bhàbilon e, maille ri soithichean taitneach taigh an Tighearna; agus rinn e Sedeciah a bhràthair na rìgh air Iùdah agus Ierusalem.

Ieremiah 1:3

Thàinig e mar an ceudna ann an làithean Iehoiacim mhic Iosiah, rìgh Iùdah, gu ceann aon-bhliadhna-deug Shedeciah mhic Iosiah, rìgh Iùdah, gus an tugadh air falbh Ierusalem ann am braighdeanas anns a’ chòigeamh mìos.

Ieremiah 22:11

Oir mar seo deir Iehòbhah mu thimcheall Shaluim mhic Iosiah, rìgh Iùdah, a rìghich an àite Iosiah a athair, a chaidh a‑mach as an àite seo, Cha till e thuige nas mò:

Ieremiah 22:18

Air an adhbhar sin, mar seo deir an Tighearna mu thimcheall Iehoiacim mhic Iosiah rìgh Iùdah, Cha dèan iad caoidh air a shon, ag ràdh, Och mo bhràthair! no, Och mo phiuthar! Cha dèan iad caoidh air a shon, ag ràdh, Och a thighearna! no, Och a ghlòir-san!

Ieremiah 24:8

Agus amhail na droch fhìgean, nach faodar ithe aig an olcas (mar seo gu deimhinn deir an Tighearna), mar sin bheir mi thairis Sedeciah rìgh Iùdah, agus a uachdarain, agus am fuidheall de Ierusalem, a dh’fhanas anns an tìr seo, agus iadsan a tha a chòmhnaidh ann am fearann na h‑Eiphit:

Ieremiah 26:1

Ann an toiseach linn Iehoiacim, mhic Iosiah rìgh Iùdah, thàinig am facal seo on Tighearna, ag ràdh,

Ieremiah 37:1

Agus rìghich Sedeciah mac Iosiah ann an àite Choniah mhic Iehoiacim, a rinn Nebuchadnesar rìgh Bhàbiloin na rìgh ann am fearann Iùdah.