1 Eachdraidh 26:8

Am Bìoball Gàidhlig 1992

Iad sin uile de mhic Obed-edoim: iad fhèin, agus am mic, agus am bràithrean, daoine comasach ann an neart fa chomhair na seirbhis, nan trì-fichead agus a dhà, o Obed-edom.

Iomraidhean Croise

2 Samuel 6:10

Agus cha b’àill le Daibhidh àirc an Tighearna a thionndadh da ionnsaigh fhèin gu baile Dhaibhidh: ach thug Daibhidh a lethtaobh i gu taigh Obed-edoim an Giteach.

1 Eachdraidh 26:7

Mic Shemaiah: Otni, agus Rephael, agus Obed, Elsabad: agus bha am bràithrean nan daoine gaisgeil, Elihu agus Semachiah.

1 Eachdraidh 26:9

Agus bha aig Meselemiah mic agus bràithrean, daoine gaisgeil, ochd-fir-dheug.

Mata 25:15

Agus do aon dhiubh thug e còig tàlannan, agus do neach eile a dhà, agus do neach eile a h‑aon; do gach aon fa leth a rèir a chomais; agus air ball ghabh e a thuras.

2 Corintianach 3:6

A rinn sinne mar an ceudna nar ministearan foghainteach an tiomnaidh nuaidh; chan ann den litir, ach den Spiorad: oir marbhaidh an litir, ach bheir an Spiorad beatha.

1 Peadar 4:11

Ma labhras neach sam bith, labhradh e mar bhriathran Dhè; ma tha neach sam bith ri frithealadh, dèanadh e e mar on chomas a bheir Dia dha; a‑chum gum bi Dia air a ghlòrachadh anns na h‑uile nithean tre Iosa Crìosd: dhàsan gu robh glòir agus cumhachd gu saoghal nan saoghal. Amen.