1 Eachdraidh 26:31

Am Bìoball Gàidhlig 1992

De na Hebronaich, b’e Ieriah ceann nan Hebronach a rèir ginealaichean a athraichean. Anns an dà‑fhicheadamh bliadhna de rìoghachadh Dhaibhidh dh’iarradh iad, agus fhuaireadh nam measg daoine treuna ann an Iaser Ghilead.

Iomraidhean Croise

2 Samuel 5:4

Bha Daibhidh deich-bliadhna-fichead a dh’aois nuair a thòisich e air rìoghachadh; agus rìghich e dà‑fhichead bliadhna.

1 Rìgh 2:11

Agus b’iad na làithean a rìghich Daibhidh os cionn Israeil dà‑fhichead bliadhna: ann an Hebron rìghich e seachd bliadhna, agus ann an Ierusalem rìghich e trì-bliadhna-deug ar fhichead.

1 Eachdraidh 23:19

Mic Hebroin: Ieriah an ciad fhear, Amariah an dara, Iahasiel an treasa, agus Iecameam an ceathramh.

1 Eachdraidh 29:27

Agus b’i an ùine a rìghich e os cionn Israeil dà‑fhichead bliadhna: ann an Hebron rìghich e seachd bliadhna, agus ann an Ierusalem rìghich e trì-bliadhna-deug ar fhichead.

1 Eachdraidh 6:81

Agus Hesbon le a fhearann co‑roinn, agus Iaser le a fhearann co‑roinn.

Isaiah 16:9

Air an adhbhar sin guilidh mi le gul Iaseir airson fìonain Shibmah; uisgichidh mi thu lem dheòir, O Hesboin agus Elealeh; oir dh’fhalbh a’ cho-ghàir airson do mheas-samhraidh, agus airson d’fhogharaidh.

Iosua 13:25

Agus b’i an crìoch Iaser, agus uile bhailtean Ghilead, agus leth fearann chloinn Amoin, gu Aroer a tha fa chomhair Rabah:

Iosua 21:39

Hesbon le a fhearann co‑roinn, Iaser le a fhearann co‑roinn: ceithir bailtean anns an iomlan.