1 Eachdraidh 26:20

Am Bìoball Gàidhlig 1992

Agus de na Lèbhithich, bha Ahiah os cionn ionmhasan taigh Dhè, agus os cionn ionmhasan nan nithean naomha.

Iomraidhean Croise

1 Rìgh 14:26

Agus thug e leis ionmhasan taigh an Tighearna, agus ionmhasan taigh an rìgh; bhuin e leis eadhon an t‑iomlan: agus thug e leis na sgiathan òir uile a rinn Solamh.

1 Rìgh 15:18

Agus ghabh Asa an t‑airgead agus an t‑òr uile a dh’fhàgadh ann an ionmhasan taigh an Tighearna, agus ann an ionmhasan taigh an rìgh, agus thug e iad an làimh a sheirbhiseach: agus chuir rìgh Asa iad gu Ben-hadad mac Thabrimoin mhic Hesioin rìgh Shiria, a bha a chòmhnaidh ann an Damascas, ag ràdh,

1 Rìgh 7:51

Agus chrìochnaicheadh an obair uile a rinn rìgh Solamh airson taigh an Tighearna: agus thug Solamh a‑steach nithean naomhaichte Dhaibhidh a athair; eadhon an t‑airgead, agus an t‑òr, agus an t‑uidheam, chuir e am measg ionmhas taigh an Tighearna.

1 Eachdraidh 18:11

Iad sin mar an ceudna choisrig rìgh Daibhidh don Tighearna, maille ris an airgead agus an òr a thug e o na cinnich seo uile; o Edom, agus o Mhòab, agus o chloinn Amoin, agus o na Philistich, agus o Amalec.

1 Eachdraidh 26:19

Is iad sin roinnean nan dorsairean de mhic Chore, agus de mhic Mherari.

1 Eachdraidh 26:21

A‑thaobh mic Laadain: mic a’ Ghersonaich Laadan, prìomh-athraichean, eadhon o Laadan an Gersonach bha Iehieli.

1 Eachdraidh 26:22

Mic Iehieli: Setam, agus Ioel a bhràthair, a bha os cionn ionmhasan taigh an Tighearna.

1 Eachdraidh 26:24

Agus bha Sebuel mac Ghersoim, mhic Mhaois, na àrd-fhear-riaghlaidh air na h‑ionmhasan.

2 Eachdraidh 8:15

Agus cha do chlaon iad o àithne an rìgh mu na sagartan agus na Lèbhithich, a‑thaobh nì air bith, no a‑thaobh nan ionmhas.

Esra 2:69

A rèir an comais thug iad, gu ionmhas na h‑obrach, trì-fichead agus aon mhìle darcon òir, agus còig mìle punnd airgid, agus ceud culaidh sagairt.

Esra 8:28

Agus thubhairt mi riu, Tha sibhse naomh don Tighearna, agus na soithichean naomh, agus an t‑airgead agus an t‑òr na thabhartas saor-thoile don Tighearna, Dia ur n‑athraichean.

Nehemiah 12:44

Agus shuidhicheadh air an là cheudna daoine os cionn nan seòmar airson nan ionmhas, airson nan tabhartas, airson nan ciad-thoradh, agus airson nan deicheamh, a‑chum gun cruinnicheadh iad annta à achaidhean nam bailtean cuibhreannan an lagha do na sagartan agus do na Lèbhithich: oir bha aoibhneas air Iùdah airson nan sagart agus airson nan Lèbhitheach a bha a’ feitheamh.

Malachi 3:10

Thugaibh an deicheamh uile a‑chum an taigh-thasgaidh, air chor is gum bi biadh ann am thaigh-sa; agus dearbhaibh mi a‑nis leis an nì seo, tha Tighearna nan sluagh ag ràdh, mura fosgail mi dhuibh uinneagan nan nèamh a dhòrtadh a‑mach beannachd oirbh, gus nach bi àit ann ga chumail.

Àireamh 8:26

Ach frithealaidh iad maille rim bràithrean ann am pàillean a’ choitheanail a ghleidheadh a’ chùraim, agus cha dèan iad seirbhis sam bith eile. Mar seo nì thu ris na Lèbhitich a‑thaobh an cùraim.