1 Eachdraidh 26:17

Am Bìoball Gàidhlig 1992

Air an taobh an ear bha sianar Lèbhitheach, air an taobh mu thuath ceathrar gach là, air an taobh mu dheas ceathrar gach là, agus air taobh Asupim dithis agus dithis.

Iomraidhean Croise

1 Eachdraidh 26:16

Do Suphim agus do Hosah a làimh na h‑àird an iar, maille ris a’ gheata Salechet, làimh ri cruaidh-rathad na h‑uchdaich, faire fa chomhair faire.

1 Eachdraidh 26:18

Aig Parbar, a làimh na h‑àird an iar, ceathrar aig a’ chruaidh-rathad, agus dithis aig Parbar.

1 Eachdraidh 9:24

Ann an ceithir cheàrnan bha na dorsairean, a làimh na h‑àird an ear, na h‑àird an iar, na h‑àird a tuath, agus na h‑àird a deas;

2 Eachdraidh 31:14

Agus bha Core mac Imnah an Lèbhitheach, an dorsair a làimh na h‑àird an ear, os cionn saor-thìodhlacan Dhè a‑chum gun tugadh e seachad tabhartasan an Tighearna, agus na nithean ro‑naomha.

2 Eachdraidh 8:14

Agus shuidhich e, a rèir riaghailt Dhaibhidh a athair, roinnean nan sagart a‑chum an seirbhis, agus na Lèbhithich a‑chum an cùraim, a mholadh agus a fhrithealadh am fianais nan sagart, a rèir dlighe gach là; agus na dorsairean a rèir an roinnean aig gach geata: oir mar sin dh’àithn Daibhidh, òglach Dhè.

Nehemiah 12:25

Mataniah, agus Bacbuciah, Obadiah, Mesulam, Talmon, Acub, nan dorsairean a’ coimhead na faire aig stairsneachan nan geatachan.