1 Eachdraidh 23:28

Am Bìoball Gàidhlig 1992

A chionn gum b’e an dreuchd-san a bhith fo làimh mic Aaroin, fa chomhair seirbhis taigh an Tighearna, anns na cùirtean, agus anns na seòmraichean, agus ann an glanadh nan uile nithean naomha, agus ann an obair seirbhis taigh Dhè;

Iomraidhean Croise

1 Rìgh 6:5

Agus thog e ri balla an taighe seòmraichean mun cuairt, ri ballachan an taighe mun cuairt, araon an teampaill agus a’ ghuth-àit; agus rinn e frith-sheòmraichean mun cuairt.

1 Eachdraidh 18:17

Agus Benaiah mac Iehoiada os cionn nan Cereteach, agus nam Peleteach. Agus b’iad mic Dhaibhidh a bu mhò inbhe mu thimcheall an rìgh.

1 Eachdraidh 23:27

Oir le briathran deireannach Dhaibhidh dh’àirmheadh na Lèbhithich o aois fichead bliadhna agus os a chionn:

1 Eachdraidh 23:29

Araon fa chomhair an arain thaisbeanta, agus fa chomhair na mine mìne a‑chum tabhartais-bìdh, agus fa chomhair nam breacagan neo-ghortaichte, agus fa chomhair nan nithean a dheasaichear anns an aghann agus a ròistear, agus fa chomhair gach uile ghnè tomhais agus meud;

1 Eachdraidh 23:4

Dhiubh sin bha ceithir-mìle-fichead gu obair taigh an Tighearna a chur air a h‑aghaidh, agus sia mìle nan luchd-riaghlaidh agus nam britheamhan:

1 Eachdraidh 28:13

Mar an ceudna a‑thaobh roinnean nan sagart agus nan Lèbhitheach, agus a‑thaobh uile obair seirbhis taigh an Tighearna, agus a‑thaobh nan uile shoithichean-seirbhis ann an taigh an Tighearna.

2 Eachdraidh 23:4

Seo an nì a nì sibh: Bidh an treas cuid dhibhse a thèid a‑steach air an t‑sàbaid de na sagartan agus de na Lèbhithich nan luchd-gleidhidh nan doras;

2 Eachdraidh 23:6

Ach na tigeadh a‑steach do thaigh an Tighearna ach na sagartan, agus iadsan de na Lèbhithich a fhrithealas: thèid iadsan a‑steach, oir tha iad naomh: ach coimheadaidh an sluagh uile faire an Tighearna.

2 Eachdraidh 29:15

Agus chruinnich iad am bràithrean, agus naomhaich iad iad fhèin, agus thàinig iad a rèir àithne an rìgh ann am briathran an Tighearna, a ghlanadh taigh an Tighearna.

2 Eachdraidh 29:5

Agus thubhairt e riu, Eisdibh rium, a Lèbhitheacha; a‑nis naomhaichibh sibh fhèin, agus naomhaichibh taigh an Tighearna, Dia ur n‑athraichean, agus thugaibh a‑mach an salchar as an ionad naomh.

2 Eachdraidh 31:11

An sin dh’àithn Heseciah seòmraichean ullachadh ann an taigh an Tighearna; agus dh’ullaich iad iad;

2 Eachdraidh 31:2

Agus shuidhich Heseciah roinnean nan sagart agus nan Lèbhitheach a rèir an roinnean, gach duine a rèir a sheirbhis fhèin, na sagartan agus na Lèbhithich airson nan ìobairt-loisgte, agus airson nan ìobairt-shìth, a fhrithealadh, agus a thabhairt buidheachais, agus a chliùthachadh ann an geatachan camp an Tighearna:

Esra 8:29

Dèanaibh faire, agus coimheadaibh, gus an cothromaich sibh iad am fianais uachdarain nan sagart, agus nan Lèbhitheach, agus uachdarain athraichean Israeil ann an Ierusalem, ann an seòmraichean taigh an Tighearna.

Nehemiah 11:24

Agus bha Petaiah mac Mheses-abeeil, de chloinn Sherah mhic Iùdah, aig làimh an rìgh anns gach cùis a‑thaobh an t‑sluaigh.

Nehemiah 13:9

Agus dh’àithn mi, agus ghlan iad na seòmraichean: agus thug mi air an ais an sin soithichean taigh Dhè, an tabhartas-bìdh agus an tùis.

Ieremiah 35:4

Agus thug mi iad gu taigh an Tighearna, gu seòmar mic Hanain mhic Igdaliah, òglach Dhè, a bha ri taobh seòmar nan uachdaran, a bha ri taobh seòmar Mhaaseiah mhic Shaluim, fear-gleidhidh an dorais:

Eseciel 40:17

An sin thug e mi don chùirt a‑staigh, agus, feuch, seòmraichean agus ùrlar dèante airson na cùirte timcheall air gach taobh: bha deich-seòmraichean-fichead anns an ùrlar.

Eseciel 41:26

Agus bha uinneagan cumhang agus croinn-phailme air an aon taobh agus air an taobh eile, air taobhan an sgàth-thaighe, agus air seòmraichean taoibh an taighe, agus air na dèileachan tiugha.

Eseciel 42:13

An sin thubhairt e rium, Na seòmraichean mu thuath, agus na seòmraichean mu dheas, a tha fa chomhair an ionaid air leth, is seòmraichean naomh iad, far an ith na sagartan a thig dlùth don Tighearna an nithean as ro‑naoimhe: an sin cuiridh iad na nithean as ro‑naoimhe, agus an tabhartas-bìdh, agus an tabhartas-peacaidh, agus an tabhartas-easaontais; oir tha an t‑ionad naomh.

Eseciel 42:3

Fa chomhair dorsan na cùirte a‑staigh, agus fa chomhair an ùrlair a bha airson na cùirte a‑muigh, bha seòmar air aghaidh seòmair air trì ùrlair.

Eseciel 44:14

Ach nì mi iad nan luchd-coimhead cùram an taighe, airson a uile sheirbhis, agus airson gach uile nì a bhios ri dhèanamh ann.