1 Eachdraidh 22:3

Am Bìoball Gàidhlig 1992

Agus sholair Daibhidh iarann ann am pailteas a‑chum tàirngean do chòmhlaichean nan geatachan, agus a‑chum nan dlùthadh; agus umha ann am pailteas, gun tomhas;

Iomraidhean Croise

1 Rìgh 7:47

Agus dh’fhàg Solamh na soithichean uile gun chothromachadh, airson an lìonmhorachd anabarraich; cha d’fhuaireadh a‑mach cudthrom an umha.

1 Eachdraidh 22:14

A‑nis, feuch, ann am theanntachd dh’ullaich mise fa chomhair taigh an Tighearna ceud mìle tàlann òir, agus mìle de mhìltean tàlann airgid, agus de umha agus de iarann gun tomhas (oir tha ro‑phailteas ann): fiodh mar an ceudna agus clachan dh’ullaich mi; ach faodaidh tusa cur riu.

1 Eachdraidh 29:2

A‑nis lem uile neart dh’ullaich mise fa chomhair taigh mo Dhè, an t‑òr a‑chum nithean de òr, agus an t‑airgead a‑chum nithean de airgead, agus an t‑umha a‑chum nithean de umha, agus an t‑iarann a‑chum nithean de iarann, agus am fiodh a‑chum nithean de fhiodh; clachan onics, agus clachan rin cur, clachan loinnreach, agus de iomadh dath, agus gach uile ghnè chlach luachmhor, agus clachan marmoir ann am pailteas.

1 Eachdraidh 29:7

Agus thug iad seachad fa chomhair seirbhis taigh Dhè, de òr còig mìle tàlann agus deich mìle darcon, agus de airgead deich mìle tàlann, agus de umha ochd-mìle-deug tàlann, agus ceud mìle tàlann iarainn.

2 Eachdraidh 4:18

Agus rinn Solamh an t‑uidheam seo uile ann am mòr-phailteas: oir cha robh e comasach cudthrom an umha fhaghail a‑mach.

Ieremiah 52:20

An dà phost, an aon fhairge, agus an dà‑tharbh-dheug umha, a bha fo na buinn a rinn rìgh Solamh airson taigh an Tighearna, cha robh tomhas air umha nan soithichean seo uile.

Deuteronomi 8:9

Fearann anns an ith thu aran gun ghainne, cha bhi uireasbhaidh nì sam bith ort ann; fearann aig a bheil a chlachan nan iarann, agus as a bheanntan cladhaichear umha.