1 Eachdraidh 22:14

Am Bìoball Gàidhlig 1992

A‑nis, feuch, ann am theanntachd dh’ullaich mise fa chomhair taigh an Tighearna ceud mìle tàlann òir, agus mìle de mhìltean tàlann airgid, agus de umha agus de iarann gun tomhas (oir tha ro‑phailteas ann): fiodh mar an ceudna agus clachan dh’ullaich mi; ach faodaidh tusa cur riu.

Iomraidhean Croise

1 Rìgh 10:14

A‑nis b’e cudthrom an òir a thàinig gu Solamh ann an aon bhliadhna, sia ceud, trì-fichead, agus sia tàlannan òir;

1 Rìgh 7:47

Agus dh’fhàg Solamh na soithichean uile gun chothromachadh, airson an lìonmhorachd anabarraich; cha d’fhuaireadh a‑mach cudthrom an umha.

2 Rìgh 25:16

Dà phost, aon fhairge, agus na buinn a rinn Solamh airson taigh an Tighearna; bha umha nan soithichean sin uile gun tomhas:

1 Eachdraidh 22:15

Mar an ceudna tha luchd-obrach am pailteas agad, snaidheadairean agus luchd-saothrach cloiche agus fiodha, agus gach uile ghnè dhaoine tùrail fa chomhair gach gnè obrach.

1 Eachdraidh 22:3

Agus sholair Daibhidh iarann ann am pailteas a‑chum tàirngean do chòmhlaichean nan geatachan, agus a‑chum nan dlùthadh; agus umha ann am pailteas, gun tomhas;

1 Eachdraidh 29:2

A‑nis lem uile neart dh’ullaich mise fa chomhair taigh mo Dhè, an t‑òr a‑chum nithean de òr, agus an t‑airgead a‑chum nithean de airgead, agus an t‑umha a‑chum nithean de umha, agus an t‑iarann a‑chum nithean de iarann, agus am fiodh a‑chum nithean de fhiodh; clachan onics, agus clachan rin cur, clachan loinnreach, agus de iomadh dath, agus gach uile ghnè chlach luachmhor, agus clachan marmoir ann am pailteas.

Ieremiah 52:20

An dà phost, an aon fhairge, agus an dà‑tharbh-dheug umha, a bha fo na buinn a rinn rìgh Solamh airson taigh an Tighearna, cha robh tomhas air umha nan soithichean seo uile.

Àireamh 7:85

B’e cudthrom gach mèis airgid ceud agus deich seceil ar fhichead, agus gach cuaiche deich agus trì-fichead: b’e cudthrom nan soithichean airgid uile, dà mhìle agus ceithir cheud seceil, a rèir secel an ionaid naoimh.

2 Corintianach 8:2

Eadhon gu robh, ann am mòr-dhearbhadh àmhghair, pailteas an aoibhneis, agus doimhne am bochdainn, ro‑phailt a‑chum saoibhreas am fialaidheachd.