1 Eachdraidh 20:4

Am Bìoball Gàidhlig 1992

Agus na dhèidh seo dh’èirich cogadh ann an Gèser ris na Philistich: an sin bhuail Sibechai an Husatach Sipai a bha de shliochd an fhamhair; agus cheannsaicheadh iad.

Iomraidhean Croise

Genesis 14:5

Agus anns a’ cheathramh-bliadhna-deug thàinig Cedorlaòmer agus na rìghrean a bha maille ris, agus bhuail iad na Rephaimich ann an Asterot Carnaim, agus na Sudsimich ann an Ham, agus na h‑Emimich ann an Sabheh Ciriataim,

2 Samuel 21:15

Agus bha cogadh aig na Philistich fhathast ri Israel; agus chaidh Daibhidh sìos agus a sheirbhisich maille ris, agus chog iad ris na Philistich; agus dh’fhàs Daibhidh sgìth.

2 Samuel 21:16

Agus thubhairt Isbi-benob, a bha de shliochd an fhamhair, (agus aig am b’e cudthrom ceann a shleagha trì cheud secel umha, agus e crioslaichte le crios nodha,) gum marbhadh e Daibhidh.

1 Eachdraidh 11:29

Sibecai an Husatach, Ilai an t‑Ahohach,

1 Eachdraidh 14:16

Agus rinn Daibhidh mar a dh’àithn Dia dha: agus bhuail iad feachd nam Philisteach o Ghibeon eadhon gu Gaser.

1 Eachdraidh 27:11

B’e an t‑ochdamh ceannard, fa chomhair an ochdamh mìos, Sibecai an Husatach de na Sarhaich: agus na roinn-san bha ceithir-mìle-fichead.

Iosua 12:12

Rìgh Egloin, aon; rìgh Ghèseir, aon;

Iosua 16:3

Agus a’ gabhail sìos a làimh na h‑àird an iar gu crìch Iaphleti, gu crìch Bhet-horoin ìochdaraich, agus gu Gèser: agus tha a dhol a‑mach aig an fhairge.