1 Eachdraidh 2:23

Am Bìoball Gàidhlig 1992

Agus thug e Gesur agus Aram le bailtean Iair uapa, maille ri Cenat agus a bhailtean, eadhon trì-fichead baile mòr: bhuin iad sin uile do mhic Mhachir, athair Ghilead.

Iomraidhean Croise

Genesis 50:23

Agus chunnaic Iòseph clann Ephraim, den treas ginealach: thogadh suas mar an ceudna clann Mhachir mhic Mhanaseh air glùinean Iòseiph.

2 Samuel 13:38

Mar sin theich Absalom, agus chaidh e do Ghesur, agus bha e an sin trì bliadhna.

1 Rìgh 4:13

Mac Ghebeir ann an Ramot-gilead; dhàsan bhuineadh bailtean Iair mhic Mhanaseh, a tha ann an Gilead; dhàsan mar an ceudna bhuineadh tìr Argoib, a tha ann am Basan, trì-fichead baile mòr le ballachan agus le crainn umha:

1 Eachdraidh 2:22

Agus ghin Segub Iair, aig an robh trì-ar‑fhichead de bhailtean mòra ann an tìr Ghilead.

1 Eachdraidh 2:24

Agus an dèidh do Hesron bàs fhaghail ann an Càleb-ephratah, an sin rug Abiah bean Hesroin Asur, athair Thecòah, dha.

Deuteronomi 3:14

Ghabh Iair, mac Mhanaseh, dùthaich Argoib uile gu crìochan Ghesuri, agus Mhaachati: agus thug e Basan-habhot-iair mar ainm oirre a rèir a ainme fhèin, gus an là‑an‑diugh.

Iosua 13:13

Gidheadh, cha d’fhògair clann Israeil a‑mach na Gesuraich, no na Maachataich; ach tha na Gesuraich agus na Maachataich nan còmhnaidh am measg nan Israelach gus an là‑an‑diugh.

Iosua 13:30

Agus bha an crìoch o Mhahanaim, Basan uile, uile rìoghachd Og rìgh Bhasain, agus uile bhailtean Iair, a tha ann am Basan, trì-fichead baile mòr: